आगामी निवडणुकीत महाराष्ट्रात ३५ जागा जिंकू : प्रफुल्ल पटेल

🕒 1 min read

टीम महाराष्ट्र देशा – महाराष्ट्रमध्ये आगामी लोकसभा निवडणुकीच्या पार्श्वभूमीवर आम्ही सर्व समविचारी पक्षांची महाआघाडीबाबत चर्चा झाली आहे. महाराष्ट्रामध्ये काँग्रेस आणि राष्ट्रवादी काँग्रेसच्या नेत्यांच्या बैठका पार पडल्या आहेत. शेवटची बैठक कॉग्रेसचे नेते खर्गे यांच्यासोबत होणार असल्याची माहिती ज्येष्ठ नेते खासदार प्रफुल्ल पटेल यांनी पत्रकारांना दिली. मित्रपक्षांना विश्वासात घेतल्याशिवाय आम्ही पुढे जाणार नाही असेही यावेळी प्रफुल्ल पटेल यांनी सांगितले.

गुरुवारी राष्ट्रवादीची संसदीय समितीची बैठक पार पडली. त्यावेळी महाराष्ट्रातील लोकसभेच्या संभाव्य उमेदवारांबाबत चर्चा झाली, काही इच्छुक उमेदवारांच्या उमेदवारीवर चर्चा करण्यात आली.येत्या चार-पाच दिवसांत अंतिम उमेदवारांची यादी प्रसिद्ध करू असे ते बोले.देशात सर्वच स्तरातून विद्यमान भाजप सरकारवर तीव्र असंतोष आहे. त्यामुळे आमची आघाडी राज्यात ३५ जागा जिंकेलच असा विश्वास प्रफुल्ल पटेल यांनी व्यक्त केला.

तसेच प्रकाश आंबेडकर यांनाही सोबत घेण्याचा आमचा विचार आहे. पण राजकारणात एका हाताने टाळी वाजत नाही, आम्ही अजूनही प्रकाश आंबेडकर यांच्याशी चर्चा करायला तयार आहोत अशी माहिती यावेळी पटेल यांनी दिली.