Dhananjay Munde | लोकशाहीत भान ठेवून बोलावे ; धनंजय मुंडेंनी घेतला सावंतांच्या वक्तव्याचा समाचार

🕒 1 min read

बीड : मंत्री तानाजी सावंत यांनी मराठा समाजाबाबत केलेल्या वक्तव्याचा राष्ट्रवादी काँग्रेसचे नेते धनंजय मुंडे यांनी समाचार घेतला आहे. कुठल्याही लोकशाहीमध्ये मंत्र्यांनी किंवा मंत्र्याच्या विरोधात असलेल्या सदस्यांनी काय टीका करावी हे महत्वाचे नाही. पण मंत्रीपदावर आल्यावर मराठा आरक्षणाच्या बाबतीत मंत्री तानाजी सावंत बोलले तोच समाज त्यांचे मंत्रीपद कायमचं काढून घेऊ शकते, एक मात्र नक्की आहे, असे धनंजय मुंडे म्हणाले.

सत्तेत आलं की मराठा क्रांती मोर्चा बद्दल बोलायचे. त्यांचा अपमान करायचा. कोणीही ताम्र पत्र घेऊन जन्माला आले नाही. बोलताना त्यांनी भान ठेवून बोलावं, असे आमदार धनंजय मुंडे यांनी बीडमध्ये माध्यमांशी बोलताना दिली आहे.

तानाजी सावंत यांच्या डोक्यावर परिणाम झाला-

दरम्यान तानाजी सावंत यांच्यावर माजी मंत्री यशोमती ठाकूर यांनी देखील बोचरी टीका केली. तानाजी सावंत यांच्या डोक्यावर परिणाम झाला आहे, असं मला वाटतं. त्यांचा तो दौरा फेमस झाला होता त्या दौऱ्यानंतर आता हे वक्तव्य आले आहे. सुज्ञ माणूस असं हे वक्तव्य करणार का, असा सवाल त्यांनी उपस्थित केला आहे. हा पुरोगामी महाराष्ट्र आहे. महाराष्ट्रात वेगवेगळ्या जातीचे लोक राहतात आणि सगळ्यांनी एक-दुसऱ्याचा आदर केला पाहिजे, असे यशोमती ठाकूर म्हणाल्या.

काय म्हणाले होते तानाजी सावंत?- 

सत्तांतर झाल की लगेच मराठा आरक्षणाची खाज सुटली आहे, असं वादग्रस्त वक्तव्य तानाजी सावंतांनी केलं होतं. यांना आरक्षण पाहिजे, आता म्हणतात ओबीसी मधून पाहिजे, उद्या म्हणतील एससी मधून पाहिजे याचा सगळा करता करविता कोण हे सगळ्यांना चांगल माहीत आहे, असं तानाजी सावंत म्हणाले.

दरम्यान, माझ्याकडून साहित्यिक बोलण्याची अपेक्षा करू नका, मुख्यमंत्र्यावर टीका कराल तर बीडमध्ये येऊन नागडं केल्याशिवाय राहणार नाही, असा खोचक टोला देखील त्यांनी लगावला होता.

महत्वाच्या बातम्या :

• Health Tips | साधे नाही तर मिठाचे पाणी रोज प्या, कारण आरोग्यासाठी आहे ते डबल फायदेशीर
• Sambhaji Brigade | “…अन्यथा त्यांची खाज उतरविल्याशिवाय राहणार नाही”, तानाजी सावंतांना संभाजी ब्रिगेडचा इशारा
• Ambadas Danve । निवडणुकांच्या पार्श्वभूमीवर प्रकल्प इतर राज्यात हलवले; अंबादास दानवेंचा गंभीर आरोप
• Navratri 2022 | बंगालपासून गुजरातपर्यंत अशी होते नवरात्री साजरी
• Kishori Pednekar | किशोरी पेडणेकर तानाजी सावंतांवर संतापल्या, म्हणाल्या – “नालायक मंत्र्यांना…”