‘मी तिला वाचवू शकलो असतो तर..’ ; सोनू सुदने व्यक्त केले दु:ख

🕒 1 min read

मुंबई : कोरोनाच्या पहिल्या लाटेमुळे देशात लावण्यात आलेल्या लॉकडाऊन मूळे अनेक लोकांपुढे मोठे संकट निर्माण झाले होते. अशा काळात बॉलिवूड अभिनेता सोनू सूद या कोरोनाच्या संकट काळात अनेकांच्या मदतीसाठी पुढे आला. आता कोरोनाची दुसरी लाट आल्यानंतर पुन्हा एकदा देशातील वातावरण ढवळून निघालं आहे.

वाढत्या कोरोना रुग्णांमुळे ऑक्सिजन, बेडस्, औषधांचा तुडवडा निर्माण झालाय. मात्र अशातही अभिनेता सोनू सूद गरजवंतांच्या मदतीला धावून जात आहे. प्रत्येक गरजूची मदत करण्यासाठी सोनू सूद नेहमीच प्रयत्न करत असल्याचे दिसत आहे. त्याच्या मदतीमुळे अनेकांचे जीव वाचले आहे. मात्र यावेळी सोनूच्या अथक प्रयत्नांनतरही त्याला एका मुलीचा जीव वाचवता आला नसल्याने सोनू सुदला अत्यंत दु:ख झाल आहे.

Bharti, a young girl from Nagpur whom I airlifted on an air ambulance to Hyderabad passed away last night.She battled for her life on an ECMO machine for a month. My heart goes out to the family members and everyone who prayed for her.Wish I could save her. Life is so unfair ????

— sonu sood (@SonuSood) May 8, 2021

नागपूरमधील एका २५ वर्षीय मुलीला एअर अ‍ॅम्ब्युलन्सच्या मदतीने एका महिन्यापूर्वी सोनू सूदने हैदराबादमधील रुग्णालयात दाखल केलं होतं. मात्र डॉक्टरांच्या प्रयत्नानंतर काल रात्री भारतीने अखेरचा श्वास घेतला. ही बातमी कळताच सोनूने दु:ख व्यक्त करत ट्विट केलं आहे. यामध्ये तो म्हणाला की, ” नागपूरची तरूण मुलगी भारती जिला मी एअर अ‍ॅम्ब्युलन्सने हैदराबादला नेलं होतं तिने काल रात्री हैदराबादमध्ये अखेरचा श्वास घेतला. ECMO मशीनच्या मदतीने ती महिनाभर जिवंत होती. तिच्या कुटुंबातील आणि इतर सर्व ज्यांनी तिच्यासाठी प्रार्थना केली त्या सगळ्यांसाठी मला वाईट वाटतंय. मी तिला वाचवू शकलो असतो तर. आयुष्य हे खूप अस्थिर आहे.”

सोनू सूद या मुलीचा जीव वाचवण्यासाठी सतत डॉक्टरांच्या संपर्कात होता. डॉक्टरांनी भारतीची जगण्याची शक्तता अगदी कमी असल्याचं आधीच स्पष्ट केलं होतं. मात्र तरीही सोनूने तिला अधिक उत्तम उपचारासाठी हैदराबादमधील रुग्णालयात दाखल केलं होत. त्याच्या या प्रयत्नानंतर देखील भारतीचे प्राण वाचवणे शक्य न झाल्यामुळे तो खूप निराश झाला असल्याचे या ट्वीटद्वारे समजत आहे.

महत्वाच्या बातम्या

• ऑक्सिजन निर्मितीबाबत नंदुरबारच्या जिल्हाधिकाऱ्यांकडून दिशाभूल सुरु आहे – गावीत
• ‘देशाला पंतप्रधानांचे निवास नव्हे, श्वास पाहिजे’, राहुल गांधींची टीका‘
• विराट पाठोपाठ कोरोना लढ्यात सीएसकेचा पुढाकार
• मुंबई महापालिकेने लस खरेदी करून 18 ते 44 वयोगटातील नागरिकांचे मोफत लसीकरण करावे – भातखळकर
• मराठा आरक्षणाच्या विषयावर कोणीही राजकारण न करता एकदिलाने काम करावे : शिंदे