माणुसकी जिवंत आहे : आजीबाई पुरवतायत निराधार ज्येष्ठांना मोफत डबा !

🕒 1 min read

विरार : राज्यात मार्च महिन्यापासून कोरोनाबाधितांमध्ये मोठी वाढ झाली आहे. यामुळे, रुग्णालयांमध्ये बेड्स, ऑक्सिजन, औषधे यांचा मोठा तुटवडा निर्माण झाला होता. कोरोना स्थती आटोक्यात आणण्यासाठी राज्यात कडक निर्बंधांसह लॉकडाऊन लागू करण्यात आला आहे. तर, आता जवळपास निम्मा महाराष्ट्र हा पूर्ण लॉकडाउनच्या गर्तेत गेला आहे.

नागरिकांना रुग्णालयांमधील बेड्सची कमतरता, औषधांचा तुटवडा यामुळे मनस्ताप सहन करावा लागला आहे. अशातच, रुग्णालयांतील बेड्ससाठी अव्वाच्या सव्वा दर आकारण्यापासून ते रेमडेसिवीर इंजेक्शनचा काळा बाजार यामध्ये माणुसकी हरवल्याचे चित्र निर्माण झाले आहे. मात्र, अशातच अनेक व्यक्ती आपल्यापरीने करत असलेली मदत पाहता अनेक गरजुंना दिलासा मिळत आहे.

नालासोपारा येथील एका आजीने वयाच्या ६३ व्या वर्षी समाजसेवेचा ध्यास घेतला आहे. सध्याच्या स्थितीत निराधार ज्येष्ठांना दोन वेळच जेवण मिळणं कठीण झालं आहे. त्यामुळेच अशा निराधार ज्येष्ठांना उदरनिर्वाहासाठी गरजेचं असलेल जेवण पुरवण्याचं काम ६३ वर्षीय शारदा चौहान करत आहेत. एका सेवाभावी संस्थेच्या माध्यमातून ही आजी शहरातील १५० हून अधिक ज्येष्ठ नागरिकांना दोन वेळचा जेवणाचा डबा मोफत देत आहे.

श्री आदी जिन युवक चेरिटेबल ट्रस्ट या सेवाभावी संस्थेने पुढाकार घेत मागील वर्षभरापासून अशा नागरिकांचा शोध घेत त्यांच्या जेवणाची जबादारी उचलली आहे. यात या ६३ वर्षीय शारदा चौहान यांनी मोलाचा वाटा पेलला आहे. या ट्रस्टचे नालासोपारा येथील सदस्य हिमांशू हिंगू आणि त्यांच्या पत्नीने आसपासच्या भागातील १५० निराधार वृद्धांची माहिती गोळा करून त्यांना जेवण पुरवण्याची सेवा सुरु केली आहे.

याबाबत एका वृत्तवाहिनीशी बोलताना हिमांशू यांनी सांगितले की, ६३ वर्षीय आजी शारदा चौहान या एकट्या या सर्वांचे जेवण बनवतात. त्यांना मदतीला केवळ पोळ्या लाटण्यासाठी दोन महिला येतात. बाकी डाळ, भात, भाजी आणि एक गोड पदार्थ त्या दरोरज बनवत आहेत. विशेष म्हणजे त्यांच्या या कार्यात त्यांना मदत करणारे रमेश भाई (५३) हे सर्व डबे सायकलवर घेऊन संपूर्ण शहरभर फिरून या ज्येष्ठ नागरिकांच्या घरोघरी जावून देत आहेत, तर रिकामे डबे पुन्हा परत घेऊन येत आहेत.

महत्त्वाच्या बातम्या

• मराठा आरक्षणासाठी २ दिवसीय विशेष अधिवेशन बोलवा : हरिभाऊ बागडे
• ‘शिवसेना पक्षप्रमुख आघाडीत गेल्यावर कसे बदलले, हे आता जनतेला माहीत झालं आहे’
• न्युझीलंडचा यष्टीरक्षक फलंदाज वॅटलिगने जाहिर केली निवृत्ती; डब्लुटीसी फायनल ठरणार आखेरचा सामना
• ऑक्सिजन एक्स्प्रेस पुण्यातील लोणीत दाखल; ३७ तासांत कापले १ हजार ७२५ किमी अंतर
• बार-हॉटेल मालकांप्रमाणे शेतकरी, कष्टकऱ्यांचीही दखल घ्या; रक्षा खडसेंचे पवारांना पत्र