मुंबई : “मंत्री संजय राठोड गायब आहेत की काय, ते आपल्याला माहिती नाही. परंतु मला असं वाटतं, की योग्य वेळ आली की ते बोलतील. ही इतकी गंभीर बाब असल्याने चुकीचे वक्तव्य होऊ नये, याची दक्षता ते घेत असतील. हा कट रचला गेला असेल, तर निश्चितच तो अतिशय गंभीर आहे. ते सावधानता बाळगत असतील तर तो त्यांचा अधिकार आहे” असंही मनिषा कायंदे म्हणाल्या.
शिवसेना नेते आणि वनमंत्री संजय राठोड गायब आहेत का, माहिती नाही. परंतु ते योग्य वेळ आली की बोलतील. गंभीर बाब असल्याने चुकीचं वक्तव्य होऊ नये, याची दक्षता ते घेत असतील, अशी प्रतिक्रिया शिवसेना आमदार मनिषा कायंदे यांनी दिली. पूजा चव्हाणच्या संशयास्पद मृत्यू प्रकरणी राठोड यांच्यावर गंभीर आरोप केले जात आहेत.
प्रत्येक वेळी यांनाच कसे धमकीचे फोन येत आहेत ? एखाद्याचा मृत्यूचं राजकारण करण्याची नवी पद्धत भाजपने सुरु केलेली आहे. अभिनेता सुशांतसिंह राजपूतनंतर पूजा चव्हाणच्या बाबतही सरकार अस्थिर करण्यासाठी कोणत्याही थराला जायला भाजप तयार झाले आहेत. अशी घणाघाती टीकाही आमदार मनिषा कायंदे यांनी केली.
एक गोष्ट महत्त्वाची म्हणजे मुख्यमंत्री उद्धव ठाकरे यांनी पूर्ण सकारात्मक भूमिका घेतलेली आहे. त्यांनी या प्रकरणाच्या चौकशीची तयारी दाखली आहे. दुसरी गोष्ट म्हणजे कुटुंबीयांना किती त्रास होत असतो, हे आपण अनेक उदाहरणात पाहिलेलं आहे. एखाद्याचा मृत्यू झाल्यानंतर सतत अशा प्रकारे वेगवेगळी वक्तव्यं सोशल मीडियावर करणं, त्याची बदनामी करणं, हे खरोखरच त्या कुटुंबासाठी क्लेशदायक आहे. हे थांबलं पाहिजे, अशी मागणी मनिषा कायंदे यांनी केली.
महत्त्वाच्या बातम्या
- केंद्र सरकार हवेत, जनता ‘गॅस’वर! घरगुती गॅस ५० रुपयांनी महागला
- मुंबई मनपा निवडणुकीसाठी नाना पटोलेंनी दिला ‘स्वबळाचा नारा’
- बायकोपासून कुटुंबीयांचा विरोध लपवणे ही फसवणूकच, औरंगाबाद खंडपीठाचा निर्णय
- भारतातील एकूण सक्रिय रुग्णांपैकी 76.5% रुग्ण ‘या’ तीन राज्यात
- ‘भाजप किती अस्वस्थ झालेलं आहे त्याचं उत्तम उदाहरण म्हणजे पडळकर यांची विधाने’
