नवख्या नवदीप सैनीसह हिटमॅन रोहित शर्माच्या खेळण्यावर अखेर शिक्कामोर्तब, तर ‘या’ खेळाडूंना डच्चू

🕒 1 min read

ऑस्ट्रेलिया : भारत आणि ऑस्ट्रेलिया दरम्यान मेलबर्न इथं झालेल्या दुसऱ्या क्रिकेट कसोटी सामन्यात भारतानं यजमान संघावर ८ गडी राखून विजय मिळवला. यासह चार सामन्यांच्या कसोटी मालिकेत भारताने १-१ ची बरोबरी साधली आहे. उद्या म्हणजेच सात जानेवारीपासून तिसरा कसोटी सामना होणार आहे. त्यानंतर अखेरचा व चौथा कसोटी सामना हा ब्रिस्बेन येथे १५ जानेवारीपासून खेळवण्यात येणार आहे.

उद्यापासून सुरू होणाऱ्या या क्रिकेट सामन्याला जास्त महत्व असणार आहे. कारण, जो संघ हा सामना जिंकेल तो मालिका जिंकण्याच्या अधिक जवळ जाणार आहे. अशातच, मधल्या काळात हिटमॅन रोहित शर्मा याच्या खेळण्यावरून मोठा वाद निर्माण झाला होता. अखेर तो पूर्ण तंदुरुस्त झाल्यानंतर ऑस्ट्रेलियायात दाखल झाला. त्याने कोरोनाच्या विलगीकरणाचे सर्व नियम काटेकोरपणे पार केले होते. दरम्यान, एका चाहत्याच्या विवादित पोस्ट व भेटीमुळे रोहित, रिषभ पंत, पृथ्वी शॉ व अन्य दोन खेळाडूंनी नियम मोडल्याचे समोर आल्याने त्यांच्या खेळण्याबाबत साशंकता निर्माण झाली होती.

गळाभेट दिल्याची पोस्ट ही उत्साहाच्याभरात या चाहत्याने केल्याचं स्पष्ट केलं होतं. पंतने गळाभेट घेतली नसल्याचे समोर आलं. तसेच , या खेळाडूंची कोरोना चाचणी देखील निगेटिव्ह आल्यानंतर त्यांना खेळण्यास परवानगी मिळाली आहे. तर, बीसीसीआय व सीए याबाबत अधिक चौकशी करत आहे. दरम्यान, रोहित शर्माकडे उपकर्णधारपद सोपवण्यात आले असून तो मयांक अग्रवालच्या जागी खेळणार आहे.

तर, नवदीप सैनी या सामन्याद्वारे कसोटी क्रीडा प्रकारात पदार्पण करणार आहे. दुखापतग्रस्त वेगवान गोलंदाज उमेश यादवऐवजी सैनीला खेळवण्यात येणार आहे. उमेश यादवने डाव्या पोटरीच्या दुखापतीमुळे ऑस्ट्रेलिया दौऱ्यातून माघार घेतली होती.

भारताचा प्लेइंग इलेव्हन संघ : अजिंक्य रहाणे (कर्णधार), रोहित शर्मा (उपकर्णधार), शुभमन गिल, चेतेश्वर पुजारा, हनुमा विहारी, रिषभ पंत (यष्टीरक्षक), रवींद्र जडेजा, आर. अश्विन, जसप्रीत बुमरा, मोहम्मद सिराज, नवदीप सैनी

महत्वाच्या बातम्या

• सरकारनं घोषणा केली दहा हजारांच्या मदतीची मात्र शेतकऱ्यांना मिळाले फक्त दोन हजार
• दीपिकाच्या बर्थडे पार्टीला रणबीर अलियाची हजेरी; पहा फोटो
• तब्बल 45 वर्षे बिनविरोध असलेल्या बार्शी तालुक्यातील आदर्श मळेगावात यंदा होणार निवडणुका
• ‘दानवेंनी फेकाफेकी करू नये, मी स्वतः संभाजीनगर संदर्भात फडणवीसांना चार पत्र पाठवली होती’
• तेलाच्या जाहिरातीतून सौरव गांगुलीला काढल्यानंतर अडानी ग्रुपच स्पष्टीकरण