नवी दिल्ली : देशात कोरोनाचे संकट गंभीर बनले आहे. दिवसेंदिवस कोरोना रुग्णांची संख्या झपाट्याने वाढत आहे. शनिवारी देशात जवळपास साडेतीन लाख कोरोना रुग्ण आढळून आलते. गेल्या सलग चार दिवसांपासून कोरोना रुग्णांची संख्या ३ लाखांच्या पुढे आढळून येत आहे. देशात आरोग्यसेवा कमी पडू लागल्या आहे, ऑक्सिजन अभावी रुग्णांचा मृत्यू होत आहे. याच पार्श्वभूमीवर हवामान बदलासंबंधी काम करणारी स्वीडिश कार्यकर्ती ग्रेटा थनबर्गने भारतातील कोरोनाच्या स्थितीवर एक ट्वीट केलंय. कोरोना विरोधात संघर्ष करणाऱ्या भारताला जागतिक समुदायाने मदत करावी असे आवाहन तिने केलेय.
Heartbreaking to follow the recent developments in India. The global community must step up and immediately offer the assistance needed. #CovidIndia https://t.co/OaJVTNXa6R
— Greta Thunberg (@GretaThunberg) April 24, 2021
भारतात कोरोनामुळे निर्माण झालेली ही स्थिती अत्यंत वेदनादायी आहे. जागतिक समुदायाने पुढाकार घेतला पाहिजे आणि भारताला आवश्यक ती सर्व मदत केली पाहिजे असं आवाहन ग्रेटा थनबर्गने आपल्या ट्वीटच्या माध्यमातून केलं आहे. दरम्यान, तिने ट्विट करण्याच्या अगोदर जगभरातील देशांनी भारतासाठी मदतीचा हात पुढे केला आहे. पाकिस्तान, अमेरिका, फ्रान्स, ऑस्ट्रेलिया सारख्या देशांनी भारताला सर्वोतपरी मदत करण्याचे आश्वासन दिलं आहे.
कोरोनामुळे भारतात दररोज पाच हजार लोकांचा मृत्यू होईल असा धक्कादायक निष्कर्ष वॉशिंग्टन विद्यापीठाच्या अभ्यासात समोर आला आहे. सध्या सातत्याने भारतात कोरोनाचा प्रादुर्भाव आणि मृतांची संख्या वाढतेय. एप्रिल ते जुलै या काळात भारतातील तीन लाख लोकांचा कोरोनामुळे मृत्यू होणार असल्याचा अंदाज या अभ्यासात व्यक्त करण्यात आला आहे.
महत्वाच्या बातम्या
- दिलासादायक बातमी! भारतातील रिकव्हरी रेट युरोप-अमेरिकेपेक्षा चांगला
- ‘आ.गिरीश महाजन दाखवा, दहा लाख मिळवा’, राष्ट्रवादीचे आवाहन
- आता हेच बाकी होते, म्हणे ‘वकिलांना आर्थिक मदतीचे पॅकेज द्या’
- ‘काँग्रेसमध्ये काम करणाऱ्यांची किंमत, निष्क्रिय नेत्यांची गरज नाही’
- कोरोना संकटात कर्तव्यावरील शिक्षकांना ५० लाखांचा विमा लागू करा, ‘प्रहार’ची मागणी
