जळगाव : राज्यात सध्या नगरपंचायत निवडणुकांची रणधुमाळी सुरु आहे नगरपंचायत निवडणुकीचा प्रचार आता अंतिम टप्प्यात आला आहे. या पार्श्वभूमीवर महाविकास आघाडीमध्ये जोरदार कलगितुरा रंगला आहे. शिवसेनेचे पालकमंत्री गुलाबराव पाटील (Gulabrao Patil) आणि एकनाथ खडसे (Eknath Khadse) यांच्यात आता खटके उडायला सुरवात झाली आहे.
‘माझ्या मतदारसंघातील रस्ते हेमा मालिनीच्या गालासारखे केले आहेत. तुम्ही काय महाराष्ट्राला शिकवता?’, असे मंत्री गुलाबराव पाटील म्हणत होते. मतदारसंघातील रस्त्याबाबत बोलताना त्यांचा रोख एकनाथ खडसे यांच्याकडे होता. गुलाबराव पाटील यांनी बोदवड नगरपंचायतीच्या निवडणुकीत विरोधकांवर जोरदार टीका केली आहे.
माझे 30 वर्ष राहून चुकलेल्या आमदारांना चॅलेंज आहे. त्यांनी माझ्या मतदारसंघात येऊन पाहावे की मी काय विकास केला आहे. हेमा मालिनीच्या गालासारखे रस्ते मी केले आहेत. तुम्ही महाराष्ट्राला काय गुण शिकवता, असा सवाल देखील गुलाबराव पाटील यांनी केला आहे.
दरम्यान, सध्याच्या राजकीय परिस्थितीवरही गुलाबराव पाटलांनी भाष्य केले आहे. मुंडक शिवसेनेचे कंबर भाजपची आणि पाय राष्ट्रवादीचे कुठे चालले आहे हे. यामध्ये बदल व्हायला हवा सर्व एकच असायला हवे. राज्यात पालकमंत्री शिवसेनेचा, नगर विकास मंत्री शिवसेनेचा आमदार शिवसेनेचा असेच व्हायला हवे, असेही गुलाबराव पाटील म्हणाले आहेत.
महत्त्वाच्या बातम्या
- ”अजित पवारांनी त्यांचा राखीव सूट अमित शहांना देऊन महाराष्ट्राच्या संकृतीचे दर्शन दिले”
- …तेथे ‘स्वराज्य खाऊन टाकू नका’ असा फलक लावण्याची देशावर वेळ- संजय राऊत
- “केंद्र सरकारला विरोधकांचे भय सोडाच, पण आदरही नाही”
- “छत्रपतींसमोर नतमस्तक न होणाऱ्या मलिकला कडेवर घेणारे आम्हाला शहाणपण शिकवताय”
- राज्यात छत्रपती शिवाजी महाराजांच्या पुतळ्यावर राष्ट्रवादीकडून आज दुग्धाभिषेक
- रामदास कदमांच्या टीकेवर अनिल परबांची प्रतिक्रिया, म्हणाले…
