मुंबई: मुंबईतील उपनगर साकीनाका येथे एका ३२ वर्षीय महिलेवर अत्याचार केल्याची घटना घडली आहे. या अत्याचारानंतर महिलेला अमानुषपणे मारहाण केल्याची घटना समोर आली आहे. दुर्दैवाने आता या महिलेचा मृत्यू झाला असून या भयंकर घटनेमुळे अवघ्या महाराष्ट्राची मान शरमेने खाली झुकली आहे.
दरम्यान, भाजपचे नेते प्रविण दरेकर यांनी या संदर्भात भाष्य केले आहे. ‘साकीनाका येथे घडलेल्या घटनेतील पीडित भगिनीच्या मृत्यूची बातमी मन विषण्ण करणारी आहे. या घटना सतत घडत आहेत. याचं प्रायचित्त राज्य सरकारने करायला पाहिजे. दुसऱ्या राज्यात या घटना घडत आहेत म्हणून या घटनांचे समर्थन करणार आहोत का?’ असा प्रश्नही त्यांनी उपस्थित केला.
साकीनाका येथे घडलेली घटनेतील पीडित भगिनीच्या मृत्यूची बातमी मन विषण्ण करणारी आहे. वारंवार बलात्कारासारख्या घटना समोर येत आहेत. कायदयाचा कुठलाही वचप राहिलेला नाही. सरकारने वारंवार घडणाऱ्या निघृण बलात्काराच्या घटनांची जबाबदारी घ्यावी. pic.twitter.com/fVdGQEghFj
— Pravin Darekar – प्रविण दरेकर (@mipravindarekar) September 11, 2021
‘महाराष्ट्रात वारंवार बलात्कारासारख्या घटना समोर येत आहेत. कायदयाचा कुठलाही वचप राहिलेला नाही. राज्यकर्ते म्हणून जबाबदार कोण आहेत? सरकारने वारंवार घडणाऱ्या निघृण बलात्काराच्या घटनांची जबाबदारी घ्यावी’ असे प्रविण दरेकर म्हणालेत.
दरम्यान, या महिलेवर ९ सप्टेंबरला रात्री बलात्कार झाला होता. त्यानंतर तिच्या गुप्तांगात सळई घुसवण्याचा प्रयत्न करुन अमानुष अत्याचार केले होते. यामध्ये महिला गंभीर जखमी झाली होती. तिला घाटकोपरच्या राजावाडी रुग्णालयात दाखल करण्यात आलं होतं. पीडित महिलेला व्हेंटिलेटवर ठेवण्यात आलं होतं. महिलेचं आतडे बाहेर आले होते. त्यामुळे डॉक्टरांनी तिच्यावर शस्त्रक्रियाही केली होती. जोपर्यंत तिची प्रकृती स्थिर होत नाही तोपर्यंत तिला दुसऱ्या रुग्णालयात हलवू शकत नाही असं राजावाडी रुग्णालय प्रशासनाने सांगितलं होतं. मात्र आज अखेर या महिलेचा मृत्यू झाला आहे.
महत्वाच्या बातम्या
- इंग्लंडविरुद्ध 5 वी कसोटी रद्द झाल्यानंतर खेळाडूंच्या अडचणीत वाढ
- बीसीसीआयने घेतलेल्या निर्णयावर गावसकर खूश; म्हणाले, ‘मुंबईतील २६/११ च्या हल्ल्यानंतर…’
- रवी शास्त्रींची जागा मिळणार धोनीला?
- कसोटी मालिकेतील शेवटच्या सामन्याबाबत २२ सप्टेंबरला मोठा निर्णय होण्याची शक्यता
- आयपीएलमुळे सामना रद्द; इंग्लंड क्रिकेट बोर्डाचं सुचक वक्तव्य
