आदित्य ठाकरेंच्या नावाने सरकारी योजना; मागासवर्गीय युवकांना मिळणार प्रशिक्षण

औरंगाबाद : एखादी नवी योजना सुरू करायची असल्यास तिला एखाद्या वरिष्ठ राजकीय नेत्याचे किंवा महामानावांची नावे देण्यात येतात. मात्र, औरंगाबाद जिल्हा परिषदेने एका योजनेला अवघे ३१ वर्ष वय असलेले राज्याचे पर्यटनमंत्री आदित्य ठाकरे यांचे नाव दिले आहे. ‘आदित्य ठाकरे युवा चारचाकी वाहनचालक परवाना प्रशिक्षण योजना’ असे या योजनेचे नाव आहे.

औरंगाबाद जिल्हा परिषदेच्या समाजकल्याण समितीने ग्रामीण भागातील मागासवर्गीय युवकांना चारचाकी वाहनचालक परवाना प्रशिक्षण मिळावे. तसेच, त्यांना रोजगाराची संधी उपलब्ध व्हावी, या हेतूने एक योजना सर्वसाधारण सभेत सादर केली. त्याला ‘आदित्य ठाकरे युवा चारचाकी वाहनचालक परवाना प्रशिक्षण योजना’ असे नाव देण्यात आले आहे.

या योजनेसाठी ३० लाख रुपयांची तरतूद करण्यात आली आहे. किमान दहावी नापास किंवा त्यापेक्षा अधिक शैक्षणिक अर्हतेचे उमेदवार या योजनेसाठी पात्र ठरणार आहेत. या योजनेअंतर्गत मागासवर्गीय युवकांनी चारचाकी वाहनचालक परवाना काढण्यासाठी लागणारे शुल्क आणि एका महिन्याचा निवासी भत्ता यासाठी अनुदान दिले जाणार आहे.

महत्वाच्या बातम्या

• पवारांच्या आधी राजमाता अहिल्यादेवी पुतळ्याचे अनावरण करत पडळकरांकडून घणाघात
• मुस्लिम खेळाडूंना प्राधान्य दिल्याचा आरोप; अनिल कुंबळे, इरफान पठाणसह भारतीय क्रिकेटपटूंचा पाठिंबा
• जालना-मुंबई जनशताब्दी एक्स्प्रेस पुन्हा एकदा प्रवाशांच्या सेवेत दाखल
• भारताला मोठा दिलासा, तर इंग्लंडला बसणार मोठा धक्का
• आयपीएलच्या लिलावाआधीच श्रीसंत-पुजाराला मोठा धक्का