‘आठ दिवसांत कोरोना काळातील बिले द्या, अन्यथा..’ आ. धस यांचा इशारा

बीड : कोविडच्या संकटात सेवा दिलेले कोविड कंत्राटी कर्मचारी, भोजन व्यवस्था व इतरांची देयके जिल्हा प्रशासनाने रखडवली आहेत. आठ दिवसांत संबंधिताना जर देयके दिली नाहीत तर जिल्हाधिकाऱ्यांच्या दारात बोंब मारो आंदोलन केले जाईल असा इशारा भाजपचे आमदार सुरेश धस यांनी दिला आहे.

धस म्हणाले, महाविकास आघाडी सरकारच्या काळात बीड जिल्ह्याकडे दुर्लक्ष केले जात आहे. जिल्ह्यात कोविड कंत्राटी कर्मचाऱ्यांचे वेतन देण्याइतके पैसे जिल्हा प्रशासनाकडे नसावेत ही दुर्दैवी बाब आहे. कोरोना बाधितांकडे जेंव्हा त्यांचे नातेवाइक दुर्लक्ष करत होते तेव्हा कंत्राटी कर्मचाऱ्यांनी प्राणाची बाजी लावत रुग्णांना कोविडमधून बाहेर काढण्याचे काम केले.

मात्र, या कोविड योद्ध्यांना वेतनदेखील सरकार देत नसेल तर लाजिरवाणी बाब आणखी काय असू शकतेॽ. उपमुख्यमंत्री अजित पवार यांनी मागील महिन्यात बीडला येऊन कोविडबाबत आढावा बैठक घेतली. मात्र, जिल्ह्याच्या पदरी अद्यापही अपेक्षित असे काहीही हाती आले नाही.

महत्त्वाच्या बातम्या

• मी माझी स्थिती एकनाथ खडसेंसारखी होऊ देणार नाही-पंकजा मुंडे
• ‘१२ आमदारांच्या नियुक्त्या का केल्या नाहीत?’, हायकोर्टाच्या प्रश्नांमुळे राज्यपालांची कोंडी
• ‘या’ कारणामुळे मी फडणवीसांना माझा नेता मानत नाही; पंकजा मुंडेंचा खुलासा
• ओबीसी आरक्षणात मुख्यमंत्री ठाकरे, शरद पवार हेच झारीतील शुक्राचार्य-चंद्रशेखर बावनकुळे
• सध्याच्या परिस्थितीत काँग्रेसचा स्वबळाचा नारा खरचं पचणी पडणारा आहे का?