मुंबई : राष्ट्रवादी पक्षाचे नेते एकनाथ खडसे पुन्हा भाजप पक्षात जाणार असल्याच्या चर्चांनी जोर धरला आहे. अशातच भाजप नेते गिरीश महाजन यांनी मोठा गौप्यस्फोट केला आहे. नाशिक येथील एका कार्यक्रमात देवेंद्र फडणवीस यांच्या कानात एकनाथ खडसेंनी म्हटलेल्या गोष्टीचा महाजनांनी खुलासा केला आहे.
एकनाथ खडसे यांनी घेतली देवेंद्र फडणवीस यांची भेट :
नाशिक येथील कार्यक्रमात एकनाथ खडसे मला आणि उपमुख्यमंत्री देवेंद्र फडणवीस यांना येऊन भेटले. यावेळी फडणवीसांच्या कानात भेटुन मिटून टाकू, असं खडसे म्हणाले असल्याचा गौप्यस्फोट महाजानांनी केला आहे.
गिरीश महाजन यांचा गौप्यस्फोट :
यादरम्यान, काही दिवसांपुर्वी एकनाथ खडसे केंद्रीय गृहमंत्री अमित शहा यांना भेटायला गेल होते. यावेळी त्यांच्यासोबत त्यांच्या सून रक्षा खडसे देखील होत्या. यावेळी महाजनांना माहिती मिळताच त्यांनी रक्षा खडसे यांना फोन करुन माहिती घेतली असल्याचं महाजन म्हणाले.
अमित शहा यांच्या ऑफिस बाहेर आम्ही तीन तास थांबलो मात्र, शहांनी भेट नाकारली असल्याचं रक्षा खडसे यांनी महाजान यांना सांगितलं असल्याचा खुलासा गिरीश महाजन यांनी केला आहे.
दरम्यान, अमित शहा आणि एकनाथ खडसे यांच्यात फोनवर चर्चा झाल्याची माहिती खडसेंनी दिली होती. या सर्व प्रकरानंतर एकनाथ खडसे भाजपमध्ये परतणार असल्याच्या चर्चांना उधाण आलं. यावर आपण भाजपमध्ये जाणार नसल्याचं स्पष्टीकरण खडसेंनी दिलं आहे. एवढंच नाही तर या भेटी बाबतची माहिती खडसेंनी शरद पवार यांना दिली होती, असं देखील खडसेंनी सांगितलं आहे.
महत्वाच्या बातम्या :
- Bank Recruitment 2022 | ऑक्टोबर मध्ये होणार ‘या’ बँकांमध्ये होणार भरती
- Girish Mahajan | अमित शहांनी ३ तास एकनाथ खडसेंना ऑफिसबाहेर थांबवलं अन् भेटही नाकारली – गिरीश महाजनांनी केला खुलासा
- Nilam Gorhe | नार्वेकरांच्या ‘त्या’ चर्चांबद्दल निलम गोऱ्हेंनी स्पष्टच सांगितलं, म्हणाल्या…
- Ajit Pawar | “आम्ही सत्तेत येऊन बसेल अन् तुम्हाला…”, अजित पवारांचा इशारा
- Rahul Gandhi । राहुल गांधींचा पवार पॅटर्न, कर्नाटकात भर पावसात सभा गाजवली, भारत जोडो यात्रेतील Video
