मुंबई : देशात गेल्या वर्षीपासून कोरोना महामारीने हाहाकार माजवला आहे. या रोगाच्या संसर्गाला आळा घालण्यासाठी करण्यात आलेल्या लॉकडाऊनमुळे देशाची आर्थिक स्थिती बिकट झाली. लाखो लोकांना आपला रोजगार गमवावा लागला. यामुळे शेतकऱ्यांपासून ते सर्वच स्तरातील नागरिक हे आर्थिक विवंचनेत सापडले आहेत.
अशातच, सामान्यांच्या खिशावरील आर्थिक ताण वाढत असून तेलापासून ते पेट्रोल-डिझेलपर्यंत मोठ्या प्रमाणात भाववाढ केली जात आहे. मागील काही महिन्यांपर्यंत शंभरीच्या दारात गेलेल्या पेट्रोलच्या किंमती देशातील पश्चिम बंगाल, केरळसह ५ राज्यांच्या निवडणुकांच्या काळात काहीशा कमी झाल्याचं दिसून आलं. मात्र, आता पुन्हा एकदा पेट्रोलमध्ये दररोज वाढ होत आहे.
राज्यातील अनेक जिल्ह्यांमध्ये पेट्रोलने शंभरी पार केली असून सोमवारी राष्ट्रीय सांख्यिकी कार्यालयाने जारी केलेल्या आकडेवारीनुसार भारतीय अर्थव्यवस्थेने गेल्या 40 वर्षांतील निराशाजनक कामगिरी केली आहे. कोरोनाच्या संकटाने मोठा तडाखा बसलेल्या भारताचा 2020-21 या आर्थिक वर्षांतील विकासदर (सकल राष्ट्रीय उत्पादन/जीडीपी) उणे (-) 7.3 टक्के नोंदवला गेलाय.
कोरोनाला आटोक्यात आणण्यासाठी नियोजन नाही, पेट्रोल-डिझेलचे भाव आवाक्याबाहेर जात आहेत, देशाचा जिडीपी मायनसमध्ये आहे, महागाईचा नुसता भडका उडला आहे. जनतेने दोनदा निवडून दिल्यावर केंद्र सरकारने जनतेला दिलेले हे रिटर्न गिफ्ट आहे. pic.twitter.com/nRQveVolFo
— Jayant Patil- जयंत पाटील (@Jayant_R_Patil) June 1, 2021
या मुद्द्यांवरून राष्ट्रवादी काँग्रेसचे प्रदेशाध्यक्ष व राज्याचे जलसंपदा मंत्री जयंत पाटील यांनी केंद्र सरकारला लक्ष्य केलं आहे. ‘कोरोनाला आटोक्यात आणण्यासाठी नियोजन नाही, पेट्रोल-डिझेलचे भाव आवाक्याबाहेर जात आहेत, देशाचा जीडीपी मायनसमध्ये आहे, महागाईचा नुसता भडका उडला आहे. जनतेने दोनदा निवडून दिल्यावर केंद्र सरकारने जनतेला दिलेले हे रिटर्न गिफ्ट आहे,’ असं ट्विट जयंत पाटील यांनी केलंय.
महत्त्वाच्या बातम्या
- काल पवारांची भेट, आज फडणवीसांनी गाठलं मुक्ताईनगर; चंद्रकांत पाटील म्हणाले…
- पुन्हा अशीच गर्दी होत राहिल्यास निर्बंध अधिक कठोर केले जातील; मुख्यमंत्र्यांचा इशारा
- मराठा समाजाने राज्यसरकारने जाहीर केलेल्या EWS आरक्षणाचा लाभ घ्यावा – मलिक
- ‘आदित्य ठाकरेंसाठी मुलगी पाहायची झाली तरी हे केंद्राला सांगतील’
- ‘ठाकरे आणि पवारांनी केंद्र सरकारकडे केलेल्या मागण्यांचा पाठपुरावा करुन मी त्या पूर्ण करुन घेईन’
