भारत-आयर्लंड मालिकेपूर्वी दिग्गज कॅप्टननं घेतला आयुष्यातील ‘मोठा’ निर्णय!

🕒 1 min read

मुंबई : आयर्लंडचा माजी कर्णधार आणि अनुभवी खेळाडू विल्यम पोर्टरफिल्डने सर्व फॉरमॅटमधून निवृत्ती जाहीर केली आहे. आयर्लंडसाठी सर्वाधिक सामने खेळणाऱ्यांमध्ये त्याचे नाव तिसऱ्या क्रमांकावर आहे. त्याचबरोबर सर्वाधिक धावा करण्याच्या बाबतीत तो दुसऱ्या स्थानावर आहे. केविन ओब्रायनने त्याच्यापेक्षा जास्त धावा केल्या आहेत. आयर्लंडला २६ आणि २८ जून रोजी भारताविरुद्ध टी-२० सामने खेळायचे आहेत.

२००८ मध्ये ट्रेंट जॉन्स्टन यांच्याकडून कर्णधारपद स्वीकारल्यानंतर पोर्टरफिल्डने २५३ सामन्यात आपल्या देशाचे नेतृत्व केले आहे. २०१८ मध्ये आयर्लंडने पाकिस्तानविरुद्ध पहिला कसोटी सामना खेळला तेव्हा ३७ वर्षीय पोर्टरफिल्ड संघाचा कर्णधार होता. त्या कसोटीत आयरिश संघाने प्रभावी क्रिकेट खेळले.

????: PORTY SAYS FAREWELL

William Porterfield has announced his retirement today. After 16 years and 310 caps, we simply say “Thank you, Porty”.

➡️ Read his statement and reaction: https://t.co/vqhkhzd31V#ThankYouPorty #BackingGreen ☘️???? pic.twitter.com/AZSNuNso1L

— Cricket Ireland (@cricketireland) June 16, 2022

पोर्टरफिल्डने नोव्हेंबर २०१९ मध्ये कर्णधारपद सोडले. ११ वर्षे तो या पदावर राहिला. नंतर त्याच्या जागी अँड्र्यू बालबर्नीला संघाची कमान देण्यात आली. २०१५च्या विश्वचषकात त्याने पाकिस्तानविरुद्ध शतक झळकावले होते. त्याने एकदिवसीय कारकिर्दीत एकूण ११ शतके ठोकली. त्याने कारकिर्दीतील शेवटचा सामना वेस्ट इंडिजविरुद्ध खेळला. त्यात तो गोल्डन डकवर बाद झाला. २००७च्या विश्वचषकात आयर्लंडने पाकिस्तानला पराभूत केले तेव्हाही पोर्टरफिल्डने सर्वांना प्रभावित केले.

????: GREAT MEMORIES

As we say farewell to a legend of Irish cricket, let’s look back at some great memories of @purdy34 in action.#ThankYouPorty #BackingGreen ☘️???? pic.twitter.com/tUomTYQcgN

— Cricket Ireland (@cricketireland) June 16, 2022

विल्यम पोर्टरफिल्डने १४८ एकदिवसीय सामन्यांमध्ये ४३४३ धावा केल्या. त्याने ६१ टी-२० सामन्यात १०७९ धावा केल्या आहेत. आयर्लंड हा कसोटी प्रकारातील सर्वात नवीन संघ आहे. यामुळे पोर्टरफिल्ड केवळ तीन कसोटी सामने खेळू शकला.

महत्त्वाच्या बातम्या –