नवी दिल्ली : IPL 2022 ची क्रिकेट चाहते आतुरतेने वाट पाहत आहेत. आयपीएल 2022 मेगा लिलावात अनेक क्रिकेटपटूंना मोठी संधी मिळणार आहे. गोलंदाजीबद्दल बोलायचे झाल्यास, मोहम्मद शमी आयपीएल 2022 मध्ये एक नवीन गोलंदाज म्हणून उदयास आला आहे. मोहम्मद शम्मीने दक्षिण आफ्रिकेविरुद्धच्या पहिल्या कसोटी सामन्याच्या दुसऱ्या डावात ५ विकेट घेतल्या. या शानदार कामगिरीने तो फ्रँचायझींच्या नजरेत आला आहे. गोलंदाजांच्या यादीत मोहम्मद शमी, जोश हेजलवूड, कागिसो रबाडा, लुंगी एनगिडी, ट्रेंट बोल्ट यांच्या नावाचा समावेश आहे.
मोहम्मद शमी
सध्या फॉर्ममध्ये असलेला भारताचा वेगवान गोलंदाज मोहम्मद शमी आयपीएल 2022 साठी फ्रँचायझीसाठी पहिली पसंती असेल. अलीकडेच दक्षिण आफ्रिकेविरुद्धच्या पहिल्या कसोटी सामन्यात मोहम्मद शम्मीने दुसऱ्या डावात ५ विकेट्स घेतल्या होत्या. यासह शम्मीने कसोटी क्रिकेटमध्ये 200 बळी पूर्ण केले. शम्मी गेल्या तीन हंगामात आयपीएलमध्ये सातत्याने चांगली कामगिरी करत आहे.
ट्रेंट बोल्ट
मुंबई इंडियन्सला त्यांचे दोन गोलंदाज जसप्रीत बुमराह आणि न्यूझीलंडचा वेगवान गोलंदाज ट्रेंट बोल्टसह आयपीएल 2022 मध्ये चांगली कामगिरी करायला आवडेल. दोन्ही खेळाडूंच्या जोडीने मुंबई इंडियन्सला चांगला पर्याय दिला आहे. एक डाव्या हाताचा गोलंदाज आणि दुसरा उजव्या हाताचा गोलंदाज वरोधी संघाला खूप त्रास देतो. दोघांनी गेल्या 4 हंगामात सुमारे 8 प्रति षटक या प्रभावी इकॉनॉमी रेटने 61 विकेट घेतल्या. मुंबईने त्याला 3.2 कोटी रुपयांना विकत घेतले होते जे मेगा लिलावात आणखी वाढू शकते.
जोश हेझलवुड
जोश हेझलवूड हा टी-20 गोलंदाज म्हणून उदयास आला आहे. आयपीएल 2021 च्या विजेतेपदानंतर, हेझलवुडने T20 विश्वचषक स्पर्धेत चमकदार कामगिरी केली ज्यामुळे ऑस्ट्रेलियाला त्यांचे पहिले विजेतेपद जिंकण्यात मदत झाली. अशात त्याच्यावर मोठी बोली लावली जावू शकते.
कागिसो रबाडा
दक्षिण आफ्रिकेचा वेगवान गोलंदाज कागिसो रबाडा हा महान गोलंदाज म्हणून ओळखला जातो. आयपीएल 2022 मेगा लिलावात तो एक उगवता खेळाडू म्हणून दिसतो. त्याने 50 सामने खेळले आहेत आणि 8.21 च्या इकॉनॉमी रेटने 76 बळी घेतले आहेत. एकूण 135 टी-20 सामने खेळले असून 311 विकेट्स घेतल्या आहेत. त्याला दिल्ली कॅपिटल्सने शेवटचे 4.2 कोटी रुपयांना विकत घेतले होते जे मेगा लिलावात 4 पट वाढू शकते.
लुंगी एनगिडि
एक चांगला पर्याय म्हणून दक्षिण आफ्रिकेचा वेगवान गोलंदाज लुंगी एनगिडी देखील IPL 2022 च्या मेगा लिलावात उपस्थित राहणार आहे. त्याने CSK साठी 14 सामने खेळले आहेत आणि 8.29 च्या इकॉनॉमी रेटने 25 बळी घेतले आहेत. त्याला CSK ने 50 लाख रुपयांना विकत घेतले होते, परंतु लखनऊ आणि अहमदाबाद या दोन नवीन IPL फ्रँचायझींच्या आगमनाने यावेळी त्याची किंमत वाढण्याची अपेक्षा आहे.
महत्त्वाच्या बातम्या
- ‘राज्याचं कुटुंबप्रमुख असलेलं मायबाप सरकार खरचं आपली जबाबदारी निभावतय का?’
- नारायण राणे केंद्रीय मंत्री आहेत याचं पोलिसांनी भान ठेवायला हवं- प्रविण दरेकर
- “…तर महाराष्ट्रालाही कठोर निर्णय घ्यावेच लागतील”,शिवसेनेचा इशारा
- महात्मा गांधींबद्दल ‘ते’ वक्तव्य आले अंगलट; कालीचरण महाराजांना अटक
- नसिरुद्दीन शाह यांच्या ‘त्या’ वक्तव्यावर भातखळकरांचे टीकास्त्र; म्हणाले…
बातम्यांसाठी YouTube चॅनेल Subscribe करा
Subscribe Now
