मुंबई : गेल्या अडीच महिन्यांपासून व्यवसाय बंद असलेल्या सलून चालकांना अखेर दिलासा मिळाला आहे. २८ जूनपासून सलून सुरु करण्यास राज्य सरकारने परवानगी दिली आहेअशी माहिती शिवसेना नेते आणि परिवहन मंत्री अनिल परब यांनी पत्रकार परिषदेत बोलताना दिली.
आज राज्य मंत्रिमंडळाच्या बैठकीत हा निर्णय घेण्यात आला. सलूनमध्ये चालकांना फक्त केस कापण्यासाठी परवानगी देण्यात आली आहे. दाढी करण्यासाठी अजून परवानगी देण्यात आली नाही.
अनिल परब यांनी निर्णयाबद्दल बोलताना सांगितलं की, “२८ जूनपासून सलून सुरु करण्यास परवानगी देण्यात आली आहे. सलूनमध्ये फक्त केस कापण्यासाठी परवानगी देण्यात आली असून, दाढी करण्यासाठी परवानगी नाही. सोबतच केस कापणारा आणि केस कापून घेणारा दोघांनाही मास्क घालणं बंधनकारक असणार आहे. ब्युटीपार्लर, स्पा आणि जीमबाबत अद्याप काही निर्णय घेण्यात आलेला नाही. थोडे दिवस पाहणी करुन नंतर पुढील निर्णय घेतला जाईल”.
सलून आणि ब्युटी पार्लर चालकांचा तीव्र आंदोलनाचा इशारा
नाव घेतल्याने कोणी हिंदूह्रदयसम्राट होत नाही, अनिल परबांनी लगावला मनसेला टोला
अनलॉक १ : राज्यात ३० जूनपर्यंत ‘हे’ सर्व बंदच राहणार
बातम्यांसाठी YouTube चॅनेल Subscribe करा
Subscribe Now
