बीड : महाराष्ट्र राज्य एडस नियंत्रण संस्था मुबई संचालित जिल्हा एड्स प्रतिबंध व नियंत्रण कक्ष जिल्हा रुग्णालय बीड येथे कार्यरत असून या अंतर्गत जिल्ह्यातील एच आई. व्ही बाधित रुणांना नियमितऔषधोपचार देण्यासाठी जिल्ह्यामध्ये जिल्हा रुग्णालय बीड व स्वामी रामानंद तीर्थ वैद्यकीय महाविद्यालय व रुग्णालय अंबेजोगाई येथे ए आर टी सेन्टर कार्यरत आहेत.
एच आई. व्ही सह जीवन जगणाऱ्या व्यक्तींना नियमित ए आर टी औषधे घ्यावी लागतात. सध्या लॉक डाउन मुळे औषधोपचार घेण्यामध्ये अडचणी येऊ नयेत म्हणून तालुका स्तरावर लिंक ए आर टी सेन्टर(आष्टी, गेवराई, माजलगाव, कैज, धारूर).तसेच विविध आय. सी. टी .सी. सेन्टर च्या माध्यमातून औषधाचे वितरण करण्यात येत आहे तसेच ए आर टी सेन्टर पर्यंत रुग्णांना येत असताना रस्त्यामध्ये लॉक डाउन काळात अडथळे निर्माण होऊ नयेत म्हणून पोलीस अधीक्षक व प्रशासनाला करण्यात आली आहे.
जिल्हा एड्स नियंत्रण कक्षातील जिल्हा कार्यक्रम अधिकारी, जिल्हा आय. सी. टी. सी. पर्यवेक्षक व सर्व डापकु टीम यांचे माध्यमातून समन्वय व सनियंत्रण या बाबतीत केले जात आहे तर प्रत्यक्ष औषधोपचार वितरनामध्ये,दोन्ही ए आर टी सेन्टर चे वरीष्ठ वैद्यकीय अधिकारी, वैद्यकीय अधिकारी, व सर्व ए. आर. टी. व आय. सी. टी. सी स्टाफ यांची महत्वाची जबाबदारी आहे.
गोरगरीब व गरजु रुग्णांना व त्यांच्या कुटुंबातील सदस्य यांना आवश्यक औषधी घरपोच पोहचते करण्यामध्ये विहान कर्मचारी वर्ग यांचे पण सहकार्य लाभत आहे अशी माहिती जिल्हा शल्य चिकित्सक डॉ अशोक थोरात यांनी दिली आहे.
