चर्चच्या जागेवर केलेले अतिक्रमण करणाऱ्यांनी दिली धर्मगुरूला जीवे मारण्याची धमकी

औरंंगाबाद : चर्चच्या जागेवर केलेले अतिक्रमण काढुन घ्या असे सांगण्यासाठी गेलेल्या धर्मगुरू अनिल मोजेस घोडके (वय ६८,रा.नंदनवन कॉलनी) यांना तीन जणांनी मारहाण करीत जीवे मारण्याची धमकी दिली. ही घटना मिटमिटा परिसरातील गट क्रमांक १२७ मध्ये घडली.

छावणी येथील चर्चचे धर्मगुरू हे त्यांच्या सहकाऱ्यांसोबत चर्चची साफसफाई करण्यासाठी गेले असता, गोपीचंद तुपे, सुभाष तुपे, फुलचंद तुपे रा. पडेगाव यांनी चर्चजवळ अतिक्रमण केले. त्यानंतर त्यांनी धर्मगुरू आणि त्यांच्या सहकाऱ्यांना चर्चमध्ये जावू दिले नाही.

दरम्यान, त्याच वेळी या तिघा आरोपींनी धर्मगुरूसह त्यांच्या सहकाऱ्यांना मारहाण करण्यास सुरुवात केली. त्यानंतर त्यांनी धर्मगुरूंना जीवे मारण्याची धमकी दिली. घाबरलेल्या धर्मगुरूंनी छावणी पोलीस ठाणे गाठत तक्रार दिली. याप्रकरणी तीन जणांविरूध्द छावणी पोलिस ठाण्यात गुन्हा दाखल करण्यात आला आहे.

महत्त्वाच्या बातम्या

• ‘उद्धव ठाकरे पांढऱ्या पायाचे! ते मुख्यमंत्री झाल्यापासून कोरोना आला, वादळं आली’
• अन् अतिवृष्टीने झालेले नुकसान पाहून खा. नवनीत राणांना अश्रू अनावर, पाहा हा व्हिडिओ..
• ‘तुम्हाला पायावर उभं करण्यासाठी सरकार तुमच्या पाठीशी’, मुख्यमंत्र्यांचा नुकसानग्रस्तांना विश्वास
• चिपळूणच्या नुकसानग्रस्त नागरिकांचा मुख्यमंत्र्यांसमोरच संताप, पाहा व्हिडिओ..
• ‘महाविकास आघाडी सरकारला आताच डिस्चार्ज मिळाला आहे’, नारायण राणेंचा टोला