दुबई: ट्वेन्टी-२० विश्वचषकात ‘अव्वल-१२’ फेरीतील काल झालेल्या सामन्यात इंग्लंडने श्रीलंकेवर २६ धावांनी मात केली. सलग चौथ्या विजयासह इंग्लंडने उपांत्य फेरीतील प्रवेश जवळपास निश्चित केला आहे.
इंग्लंडने दिलेल्या १६४ धावांच्या आव्हानाचा पाठलाग करताना श्रीलंकेचा डाव १९ षटकांत १३७ धावांत आटोपला. यष्टीरक्षक-फलंदाज जोस बटलरने ६७ चेंडूत नाबाद १०१ धावा करत शतकाच्या जोरावर इंग्लंडने श्रीलंकेवर विजय मिळविला. इंग्लंडने २० षटकांत ४ बाद १६३ अशी धावसंख्या उभारली. बटलर आणि कर्णधार ईऑन मॉर्गन (४०) यांनी इंग्लंडला सावरले. या दोघांनी १३ षटकांत चौथ्या गड्यासाठी ११२ धावांची भागीदारी रचली.
तर श्रीलंकेचे सलामीवीर पाथुम निसंका (१) आणि कुसाल परेरा (७) लवकर बाद झाले. चरिथ असलंका (२१) आणि भानुका राजपक्षे (२६) यांच्या योगदानानंतर वानिंदू हसरंगा (३४) आणि कर्णधार दसून शानका (२६) यांनी फटकेबाजी करण्याचा प्रयत्न केला. मात्र, श्रीलंकेला अपयश आले. दरम्यान सलग चौथ्या विजयासह इंग्लंडने उपांत्य फेरीतील प्रवेश जवळपास निश्चित केला आहे.
महत्त्वाच्या बातम्या
- ‘भारतात मुस्लीम नाही, कायम हिंदू व्होट बँक होती, आहे व राहील’, असदुद्दीन ओवैसींचे खळबळजनक वक्तव्य
- हॅलोविन लूकने’अप्सरा’ सोनालीने चाहत्यांना केले घायाळ..
- इंधन दरवाढीचे सत्र सुरूच! लवकरच पेट्रोल १२० रुपयांचा टप्पा गाठणार
- यहॉं तो पुरी सरकारही काँच से बनी है; पडळकरांचे राज्य सरकारवर ताशेरे
- ‘…त्यानंतर त्याने माझ्यावर आरोप केले’, अनिल देशमुखांनी केला खुलासा
