🕒 1 min read
नागपूर : माजी मंत्री आणि भाजप नेते चंद्रशेखर बावनकुळे यांनी ओबीसी आरक्षणावरून महाविकास आघाडी सरकारला चांगलेच फैलावर धरले आहे. ‘सरकारमध्ये काही लोक झारीतील शुक्राचार्य आहेत. ते ओबीसी आरक्षणाला विरोध करत आहेत,’ असा धक्कादायक आरोप काँग्रेसचे आमदार अभिजीत वंजारी यांनीच केला आहे. त्यामुळे काँग्रेसला ओबीसींची एवढीच कळकळ असेल तर त्यांनी सत्तेतून बाहेर पडावं असे आव्हान चंद्रशेखर बावनकुळे यांनी दिले आहे.
बावनकुळे म्हणाले, ‘राज्य मागासवर्गीय आयोगाने राज्यात ओबीसींची जातीनुसार जनगणना करण्याच्या हालचाली सुरु केलेल्या आहे. सरकारने इंपेरिकल डाटा गोळा करावा. पण ओबीसी समाजाचा फुटबॅाल करु नये. डिसेंबरपर्यंत इंपेरिकल डाटा गोळाकरुन ओबीसींना राजकीय आरक्षण मिळवून द्यावे.’ यासोबतच, ‘जर असे झाले नाही तर राज्यभर ओबीसी जनता रस्त्यावर उतरले, पण 2022 च्या निवडणुका ओबीसींच्या राजकीय आरक्षणा शिवाय होऊ देणार नाही,’ असा इशारा देखील त्यांनी दिला आहे.
राष्ट्रवादी आणि शिवसेनेला ओबीसींना आरक्षण द्यायचं नाही, असे वंजारी यांनी म्हटले आहे. त्यामुळे काँग्रेस जर ओबीसींच्या बाजूने आहे तर ओबीसी विरोधी शिवसेना आणि राष्ट्रवादीसोबत सत्तेत कशी आहे?, असा सवाल देखील बावनकुळे यांनी उपस्थित करत महाविकास आघाडीसह काँग्रेसला लक्ष्य केलं आहे.
महत्वाच्या बातम्या
- ‘चित्रा वाघ यांनी मला बलात्कारी म्हटले, माझी बदनामी केली’, मेहबूब शेख यांची पोलिसांत तक्रार
- ‘दिवसाला शंभर गुन्हे दाखल करा, महिलांवर अत्याचार करणाऱ्यांविरोधात मी बोलणारच!’
- पूर संरक्षक भिंत बांधण्यावर मुख्यमंत्री ठाकरे ठाम; ३ वर्षात काम होणार पूर्ण
- पुरामुळे दुकान, घर यांचे नुकसान झालेल्यांना मिळणार ‘इतकी’ मदत; राज्य सरकारचे पॅकेज जाहीर
- ‘महाविद्यालयांच्या शुल्क माफीकरिता जनसुनावणी घ्या’; AISF चे भर पावसात बेमुदत आंदोलन सुरु
