‘‘बर्ड फ्लू’ बाबत कोणत्याही अफवांना बळी पडू नका’

 पुणे : अंडी, चिकन शिजवून खाल्ल्यास कोणताही अपाय होत नाही, असे सांगून नागरिकांनी ‘बर्ड फ्लू’ संदर्भात चुकीच्या माहितीवर आधारित कोणत्याही अफवांना बळी पडू नये, असे आवाहन करुन पुणे जिल्ह्यात बर्ड फ्लूची लागण झालेले अद्याप आढळून आलेले नसल्याचे जिल्हाधिकारी डॉ. राजेश देशमुख यांनी सांगितले.

जिल्हा पशुसंवर्धन उपआयुक्त कार्यालयाच्या वतीने ‘बर्ड फ्लू’ समन्वय सभा आज जिल्हाधिकारी डॉ. देशमुख यांच्या अध्यक्षतेखाली घेण्यात आली, यावेळी ते बोलत होते. बैठकीला अतिरिक्त मुख्य कार्यकारी अधिकारी भारत शेंडगे, पशुसंवर्धन विभागाचे उपायुक्त शीतलकुमार मुकणे,जिल्हा पशुसंवर्धन अधिकारी डॉ. शिवाजी विधाटे, उप मुख्य कार्यकारी अधिकारी संदीप कोहिनकर तसेच विविध विभागांचे अधिकारी उपस्थित होते.

बर्ड फ्लू च्या अनुषंगाने मुख्यमंत्री महोदयांनी प्रशासनाला सतर्क राहण्याच्या सूचना दिल्या आहेत. या दृष्टीने जिल्हा प्रशासनाबरोबरच पशुसंवर्धन विभाग व आरोग्य विभागाच्या वतीने आवश्यक त्या उपाययोजना करण्यात येत आहेत. नागरिकांनी घाबरण्याचे कारण नाही, असे सांगून महापालिकेने मदत कक्षामधून नागरिकांना योग्य ती माहिती द्यावी. जिल्ह्यात पक्षी स्थलांतरासाठी असणाऱ्या पाणथळाच्या जागांवर विशेष लक्ष द्यावे. एखादा पक्षी मयत झालेला आढळल्यास त्याद्वारे संसर्ग पसरणार नाही, याची दक्षता घ्यावी, असेही त्यांनी सांगितले.पशुसंवर्धन विभागाचे उपआयुक्त डॉ. शितलकुमार मुकणे यांनी बर्ड फ्लू च्या अनुषंगाने करण्यात आलेल्या उपाय योजनांची माहिती दिली.

महत्वाच्या बातम्या

• धनंजय मुंडे यांच्यावर गंभीर आरोप : अतुल भातखळकर यांचा पुन्हा एकदा शिवसेनेवर निशाणा
• पहिल्या टप्प्यातील प्रत्यक्ष लसीकरणासाठी पुणे जिल्हा प्रशासनाची तयारी पूर्ण
• ‘धनंजय मुंडे यांनी त्वरित राजीनामा द्यावा,अन्यथा भारतीय जनता युवा मोर्चा राज्यभर आंदोलने करणार’
• ग्रामपंचायत क्षेत्रातील आठवडे बाजार मतदानाच्या दिवशी भरविण्यास मनाई 
• कोरोनाचे संकट दूर होऊ दे…सोलापूरचे वैभव पुन्हा येऊ दे; भरणे यांचे सिद्धरामेश्वरांकडे साकडे