पिंपरी-चिंचवड : गेल्या काही दिवसांपासून राज्यात ईडीसह इतर राष्ट्रीय तपास यंत्रणा अचानक खूप जास्त सक्रीय झाल्या असून महाविकास आघाडीतील अनेक नेते सध्या अडचणीत येत चालले आहेत. माजी गृहमंत्री अनिल देशमुख, आमदार प्रताप सरनाईक यांच्यासह भाजपमधून राष्ट्रवादी काँग्रेसमध्ये गेलेले एकनाथ खडसे यांच्या अडचणीत देखील वाढ होत आहे. ईडीने काल खडसेंची तब्बल ९ तास कसून चौकशी केली.
दरम्यान, शिवसेना नेते आणि खासदार संजय राऊत यांनी आगामी पिंपरी-चिंचवड महापालिका निवडणुकीच्या दृष्टीने पिंपरी, चिंचवड आणि भोसरी विधानसभा मतदारसंघातील कार्यकर्त्यांची बैठक घेतली. यावेळी त्यांनी ईडी, सीबीआयच्या चौकशांवरून भाजपवर हल्लाबोल केला. ईडीकडे केवळ आमच्या नेत्यांचा पत्ता आहे का ? असा सवाल संजय राऊत यांनी केला आहे. यंत्रणा वापरून दहशत वापरणाऱ्यांचं नामोनिशाण संपल्याच अनेकदा पाहिलेलं आहे. तसंच होईल, असं भाकीत देखील संजय राऊत यांनी वर्तवलं आहे.
‘ईडीकडे केवळ आमच्या नेत्यांचे पत्ते आहेत का? आमच्याकडेही त्यांचे पत्ते आहेत. ते आम्ही चौकशीसाठी देऊ. इथं पण अनेक घोटाळे आहेत. पण इथं ईडी किंवा सीबीआय का जात नाही. की फक्त यांच्याकडे खडसे, देशमुख, सरनाईक यांचेच पत्ते आहेत. भाजपवाल्यांचे पत्ते नाहीत का? आम्ही पण ह्यांचे पत्ते देऊ,’ असं विधान संजय राऊत यांनी केलं आहे. त्यामुळे भाजपच्या नेत्याचा नंबर लागणार का ? हे येत्या काळातच समजेल.
महत्त्वाच्या बातम्या
- पुणेकरांनो संकट वाढतंय; आज सक्रिय कोरोना रुग्णांचा आकडा ३ हजारांपार
- ‘५५ आमदारात मुख्यमंत्री झाला, ५० नगरसेवकांमध्ये पिंपरी-चिंचवडचा महापौर का होणार नाही?’
- गोकुळ दूध दरात वाढ : गायी-म्हशीच्या दुधाच्या खरेदी-विक्री दरात वाढ !
- पुणे होणार आता ४ च्या काट्याला पूर्णतः बंद ; अजितदादांनी दिले सक्त आदेश
- बाचाबाची झाली पण भाजपच्या एकाही नेत्याने शिवीगाळ केलेली नाही – फडणवीस
