नवी दिल्ली : दिल्ली हिंसाचार प्रकरणात दिल्ली पोलिसांच्या स्पेशल सेलने आणखी एक मोठा कारवाई केली आहे. कारवाई करत स्पेशल सेलकडून उमर खालिदला अटक केली आहे. युनायडेट अगेंस्ट हेटकडून देण्यात आलेल्या माहितीनुसार, दिल्ली पोलिसांच्या स्पेशल सेलने 11 तासांच्या चौकशीनंतर उमर खालिदला दिल्ली दंगल प्रकरणात "सूत्रधार" म्हणून अटक केल्याची माहिती समोर आली आहे
मिळालेल्या माहितीनुसार, दिल्ली हिंसाचाराचा कट रचल्याचा तपास स्पेशल सेल करत आहे. त्यासाठी याआधीही उमर खालिदवरची चौकशी झाली होती. या चौकशी दरम्यान, उमर खालिद हिंसाचाराबद्दल अनेक प्रश्न विचारण्यात आले होते. इतकंच नाही तर अमेरिकेचे अध्यक्ष डोनाल्ड ट्रम्प यांच्या भारत दौर्‍यापूर्वी दिलेल्या भाषणाबद्दलही उमर खालिदची कसून चौकशी करण्यात आली होती.
यूनायडेट अगेंस्ट हेट संस्थेचे वकील तमन्ना पंकज यांनी उमर खालिदला अटक झाल्याच्या वृत्ताला दुजोरा दिला आहे. उमर खालिदला दिल्ली दंगल प्रकरणातील एफआयर 59 मध्ये यूएपीए अंतर्गत बेकायदेशीर कृत्य प्रतिबंधक कायद्याच्या कलमांअंतर्गत अटक करण्यात आली आहे.
महत्वाच्या बातम्या.
महत्वाच्या बातम्या
