मुंबई : शिवतीर्थावर होणाऱ्या दसरा मेळाव्याची परवानगी शिवसेना पक्षप्रमुख उद्धव ठाकरे यांना की मुख्यमंत्री एकनाथ शिंदे गटाला मिळणार? हा प्रश्न अनेकांना पडला होता. मात्र यावर आता न्यायालयाने निर्णय दिला आहे. काल झालेल्या सुनावणीत हाय कोर्टाने उद्धव ठाकरे यांच्या गटाला शिवतीर्थावर दसरा मेळावा घेण्यासाठी परवानगी दिली आहे. ही परवानगी काही अटी आणि शर्थींवर देण्यात आली आहे. अशातच या निकालानंतर शिंदे गटाचे प्रवक्ते दीपक केसरकर यांनी आपली प्रतिक्रिया दिली आहे.
काय म्हणाले दीपक केसरकर ?
जिथे बाळासाहेबांचे विचार असतील, तिथे शिवसैनिक ऐकायला जातील, असं म्हणत दीपक केसरकर यांनी शिवसेना पक्षप्रमुख उद्धव ठाकरेंना टोला लगावला आहे. दीपक केसरकर यांनी प्रसारमाध्यमांशी संवाद साधला, त्यावेळी ते बोलत होते. आजच्या निकालात आमच्यासाठी धक्कादायक असं काहीही नाही. जर मुळ शिवसेना कोणत्या गटाची आहे, याचा निकाल आज झाला असता, तर हे धक्कादायक असतं. या निकालातून जे लोक वेगवेगळे अर्थ काढत आहेत, ते अत्यंत चुकीचे आहे.
शिंदे गटाचा मेळावा होणार-
शिंदे गटाचा मेळावा निश्चितपणे होणार आहे. को कुठे होणार याबाबतचा निर्णय एकनाथ शिंदे घेतील. मात्र, औरंगाबाद आणि जळगावमध्ये झालेला मेळावा बघितला. तर लाखोंच्या संखेने जनता येथे आली होती. कारण बाळासाहेबांच्या विचारांसाठी केवळ एकनाथ शिंदे यांनी लढा दिला आहे.
हे बाळासाहेबांना कधीही आवडले नसते –
तसेच, काँग्रेस आणि राष्ट्रवादी काँग्रेसबरोबर आघाडी करणे हे बाळासाहेबांना कधीही आवडले नसते. जर उद्धव ठाकरे हे हिंदुत्वाच्या विचारावर कायम असतील तर त्यांनी दसरा मेळाव्याच्या व्यासपीठावरून काँग्रेस, राष्ट्रवादी काँग्रेसशी असलेली युती तोडली असल्याचे जाहीर करावं, अशंही दीपक केसरकरांनी म्हटलं आहे.
महत्वाच्या बातम्या –
- Uddhav Thackeray । “दसरा मेळाव्याला उत्साहानं या पण…”; उद्धव ठाकरेंचं शिवसैनिकांना आवाहन
- Sushma Andhare । कायदा सुव्यवस्थेचा प्रश्न निर्माण कोण करतेय?, सुषमा अंधारे यांनी स्पष्टच सांगितलं
- Upcoming Cars | या नवरात्रीला बाजारात दाखल होणार आहेत ‘या’ शानदार कार, जाणून घ्या!
- Travelling Tips | तुम्ही पहिल्यांदाच विमानाने प्रवास करणार असाल तर या टिप्स वापरून पहा, प्रवास होईल सोपा!
- Nitesh Rane | “मला वाटलं आदित्यच लग्न मुलीशी जमलं म्हणून…” ; नितेश राणेंचा खोचक टोला
