🕒 1 min read
नवी दिल्ली : कोरोनाच्या पार्श्वभूमीवर लॉकडाऊन असल्याने देशाचे आर्थिक समीकरण पूर्णपणे बिघडले आहे. त्यामुळे पंतप्रधान नरेंद्र मोदी आपल्या मंत्रिमंडळातील सदस्यांबरोबर सल्लामसलत करून यावर उपाय शोधत आहेत. आजही पंतप्रधान मोदी यांनी अर्थमंत्री निर्मला सीतारामन, गृहमंत्री अमित शहा आणि आर्थिक मंत्रालयातील अधिकाऱ्यांशी चर्चा केली.
यावेळी लॉकडाऊनने प्रभावित क्षेत्रांकरिता दुसरे उत्तेजन पॅकेज देण्याबाबत चर्चा झाली, असे सूत्रांनी सांगितले. शनिवारी अर्थ मंत्रालय पंतप्रधान मोदींना अर्थव्यवस्थेची स्थिती आणि ते हाताळण्यासाठी मंत्रालय घेत असलेल्या संभाव्य पावले याबद्दल सविस्तर सादरीकरणही देणार आहे.
वस्तू व सेवा कर (जीएसटी) संकलनावरील मासिक डेटा जाहीर करण्याचे मंत्रालयाने शुक्रवारी स्थगिती दिली. शुक्रवारी पंतप्रधानांनी नागरी उड्डयन, कामगार आणि उर्जा यासह विविध मंत्रालयांची बैठक घेतली. देशी-परदेशी गुंतवणूक आकर्षित करण्यासाठी आणि देशातील छोट्या उद्योगांच्या पुनरुज्जीवनावर लक्ष केंद्रित करण्यासाठी त्यांनी गुरुवारी वाणिज्य मंत्रालय आणि एमएसएमईशी सविस्तर चर्चा केली.
या बैठकीत गृहमंत्री आणि अर्थमंत्री दोघेही मोदींसमवेत उपस्थित होते. अल्पभूधारक लोकांच्या अडचणी कमी करण्यासाठी सरकारने मार्चअखेर गरीब महिला आणि वृद्धांसाठी 1.7 लाख कोटी रुपयांचे प्रोत्साहन पॅकेज जाहीर केले होते. त्यांनतर आता पुन्हा केंद्र सरकारकडून दुसर पॅकेज जाहीर करण्यात येणार असल्याचं सूत्रांनी सांगितल आहे.
