🕒 1 min read
मुंबई : देशातील कोरोना रुग्णांच्या संख्येत दिवसेंदिवस वाढ होताना दिसत आहे. सामान्यांपासून ते सेलिब्रेटीपर्यंत अनेकजनाना या कोरोनाचा सामना करावा लागत आहे. दाक्षिणात्य सुपरस्टार ज्युनिअर एनटीआरला देखील कोरोनाची लागण झाल्याची माहिती त्याने सोशल मीडियावर दिली आहे. ज्युनिअर एनटीआरने ट्विटरवर एक पोस्ट शेअर केली आहे.
I’ve tested positive for Covid19. Plz don’t worry,I’m doing absolutely fine. My family & I have isolated ourselves & we’re following all protocols under the supervision of doctors. I request those who’ve come into contact with me over the last few days to pl get tested. Stay safe
— Jr NTR (@tarak9999) May 10, 2021
‘माझी कोविड -१९ चाचणी पॉझिटिव्ह आली आहे, कृपया काळजी करू नका, मी एकदम ठीक आहे. मी स्वतःला आणि माझ्या कुटुंबाला वेगळे ठेवले आहे. आम्ही डॉक्टरांच्या देखरेखीखाली सर्व कोरोनाचे नियम पाळत आहोत. मी गेल्या काही दिवसांत माझ्याशी संपर्क साधलेल्या लोकांना त्यांची कोविड चाचणी करवून घेण्याची विनंती करतो. सुरक्षित रहा’, असे त्याने ट्वीटमध्ये लिहिले आहे. त्याने सोशल मीडियावर ही माहिती दिल्यानंतर ज्युनिअर एनटीआरच्या चाहत्या वर्गाने तो बरा होण्यासाठी प्रार्थना केल्या आहेत.
ज्युनिअर एनटीआर हा एस.एस. राजामौलीच्या बहुप्रतिक्षित चित्रपट ‘आरआरआर’ मध्ये दिसणार आहे. हा चित्रपट १३ ऑक्टोबरला तेलगूसह इतर भाषेत प्रदर्शित होणार आहे. ‘आरआरआर’ हा एक पीरियड ड्रामा सिनेमा आहे, हा चित्रपट दोन तेलुगू स्वातंत्र्यसेनानी अल्लूरी सीताराम राजू आणि कोमाराम भीम यांच्या जीवनावर आधारित आहे. या चित्रपटात राम चरण अल्लुरी सीताराम राजूच्या भूमिकेत दिसणार असून ज्युनिअर एनटीआर कोमाराम भीमच्या मुख्य भूमिकेत दिसणार आहेत. विशेष म्हणजे या चित्रपटात अभिनेत्री आलिया भट मुख्य अभिनेत्री असणार आहे तर, अभिनेता अजय देवगणसुद्धा दिसणार असल्याने या चित्रपटाची अनेकजण आतुरतेने वाट पाहत आहेत.
महत्वाच्या बातम्या
- नवाब मलिक जरा कमी बोलले तर अडचणी कमी होतील, दरेकरांचा टोला
- एबी डिव्हीलीयर्स नंतर ‘हा’ दिग्गज खेळाडूही टी-२० विश्वचषकात करु शकतो पुनरागमन
- ‘या’ तालुक्यात सर्वात कमी लसीकरण; मृत्युदरही जास्त!
- ‘या’ महान गोलंदाजाला आवडते हॉलिवूड अभिनेत्री ; मैत्री वाढवण्याच्या आहे प्रयत्नात
- जालन्यातील लोधी मोहल्ला भागात तुफान दगडफेक; दोन पोलीस कर्मचारी जखमी
बातम्यांसाठी YouTube चॅनेल Subscribe करा
Subscribe Now
