मुंबई : राज्यात कोरोनाने हाहाकार माजविला आहे. मात्र अनेक नेत्यांना याचे गांभीर्य नसल्याचे दिसून येत आहे. मिरा भाईंदरमधील ‘कोरोना’ग्रस्त आमदार गीता जैन यांनी घरी वाढदिवस साजरा करतानाचे फोटो समोर आले आहेत. होम क्वारंटाईन असताना त्यांनी पतीसह केक कापून सेलिब्रेशन केले.
चीनने गुडघे टेकले, गलवान खोऱ्यातून चिनी सैन्य दीड किलोमीटर मागे हटलं
आमदार गीता जैन यांना ‘कोरोना’ची लागण झाल्याचे नुकतेच निष्पन्न झाले होते. यानंतर एकच खळबळ उडाली होती.विशेष म्हणजे गीता जैन आणि त्यांचे पती दोघेही कोरोना पॉझिटिव्ह आहेत. मिरा भाईंदर महापालिकेच्या आरोग्य विभागाने दोघांना होम क्वारंटाईन केले आहे.
5 जुलै रोजी गीता जैन यांचा वाढदिवस होता. दोघेही कोरोना पॉझिटिव्ह असताना त्यांनी केक कापून घरात एकमेकांबरोबर वाढदिवस साजरा केल्याने आश्चर्य व्यक्त केले जात आहे. सोशल मीडियावर फोटो व्हायरल झाले असून अनेक जण प्रश्न उपस्थित करत आहेत.
प्रवीण तरडेंनी केली नव्या सिनेमाची घोषणा
एका बाजूला सर्वसामान्य जनतेला सरकार नियम पाळायला सांगत आहे मग या आमदारावर मेहेरबानी का करण्यात येत आहे असा सवाल जैन यांच्या कृतीमुळे उपस्थित झाला आहे. जर नेते असं बेजबाबदारपणे वागणार असतील तर सर्वसामन्यांनीच फक्त नियम पाळावे का असा देखील सवाल उपस्थित होत आहे.
