नवी दिल्ली : काँग्रेस अध्यक्ष सोनिया गांधी यांनी पक्षात मोठे फेरबदल केले आहेत. काँग्रेस वर्किंग कमेटीपासून ते राज्यांचे प्रभारी महासचिव देखील बदलण्यात आले आहेत. तसेच काँग्रेसच्या अंतर्गत संघटन निवडणुकीची प्रक्रिया देखील सुरू झाली आहे.
गुलाम नबी आझाद, मल्लिकार्जुन खरगे, अंबिका सोनी, मोतीलाल वोरा आणि लुजिन्हो यांना संघटनेच्या महासचिव पदावरून हटविण्यात आले असून याशिवाय आशा कुमारी, अनुग्रह नारायण सिंह, गौरव गोगोई आणि रामचंद खुंटिया यांना देखील प्रदेश प्रभारी पदावरून हटविण्यात आले आहे.
Congress President Smt. Sonia Gandhi has reconstituted the AICC Central Election Authority. pic.twitter.com/BhfBnejk3P
— Congress (@INCIndia) September 11, 2020
सोनिया गांधींनी नवीन अध्यक्षाच्या निवडणुकीसाठी वरिष्ठ नेते मधूसूदन मिस्त्री यांच्या अध्यक्षतेखाली पक्षाच्या अंतर्गत सेंट्रल इलेक्शन अथॉरिटीची घोषणा केली आहे. याशिवाय अध्यक्षाला कामकाजात मदत करण्यासाठी स्पेशल कमिटी स्थापन्यात आली असून, यामध्ये अहमद पटेल, एके एंटनी, अंबिका सोनी, मुकुल वासनिक, के सी वेणुगोपाल आणि रणदीप सुरजेवाला यांचा समावेश आहे.
महत्वाच्या बातम्या
