बिजिंग : चीन सरकारकडून आता जोडप्यांना तिसऱ्या मुलाच्या जन्मासाठीही परवागनी देण्यात येणार आहे. अवाजवी कुटुंब नियोजनामुळे चीनमध्ये युवा नागरिकांची संख्या घटल्याचा धसका चिनी सरकारने घेतला आहे. चीन हा म्हाताऱ्यांचा देश म्हणून गणला जाऊ नये यासाठी आता जिनपिंग सरकारने प्रत्येक दांपत्याला 3 मुले जन्मास घालण्याची परवानगी दिली आहे.
2016 मध्ये चीनमध्ये जोडप्यांना दुसऱ्या बाळास जन्म देण्याची परवानगी दिली. पण, यानंही घटणाऱ्या जन्मदरात कोणताही फरक पडला नाही. ज्यामुळं अखेर आता चीन तिसऱ्या बाळाच्या जन्मासंबंधीच्या निर्णय़ावर पोहोचलं आहे आणि याचाच एक भाग म्हणून चीनने आता टू चाईल्ड धोरण रद्द करण्याची घोषणा केली आहे.सरकारच्या या धोरणाचे नागरिकांनी जंगी स्वागत केले आहे.
#BREAKING China relaxes family planning rules to allow three children per couple: state media pic.twitter.com/UeA3xSAjCR
— AFP News Agency (@AFP) May 31, 2021
गेल्या काही वर्षांत चीनमध्ये जन्मदर घटला आहे. तसेच वयोवृद्ध लोकांची संख्या वाढत असल्याचे एका अहवालातून समोर आले. वयोवृद्ध लोकसंख्येमुळे भविष्यात परिणाम जाणवतील, या भीतीने चीन सरकारने हा निर्णय घेतला आहे.दरम्यान, सेवानिवृत्तीच्या वयोमर्यादेत वाढ करण्यासंबंधीच्या नियमांनाही योग्य पद्धतीने लागू करण्यात येणार असून यासंदर्भातील बैठक राष्ट्राध्यक्ष शी जिनपिंग यांच्या अध्यक्षतेखाली पार पडेल.
महत्त्वाच्या बातम्या
- ‘उद्धवजी… जर शेतकऱ्यांना काही देऊ शकत नसाल तर किमान मारु तरी नका’
- ‘ओबीसी समाजावर अन्याय होत असताना भुजबळ, वड्डेट्टीवार हे नेते मात्र सत्तेत रममाण झाले’
- ‘सत्ता येणार… सत्ता येणार असे बोलून भाजपचे नेते जनतेच्या मनात संभ्रम निर्माण करत आहेत’
- कोरोनामुळे अनाथ झालेले एकही मुल मायेच्या आधाराला पारखे राहू नये – सुप्रिया सुळे
- पदोन्नती मध्ये आरक्षणाच्या मागणीसाठी रिपब्लिकन पक्षातर्फे राज्यभर आंदोलनाचा धडाका सुरू
