औरंंगाबाद : गेवराई तांडा शिवार येथील बंद पडलेल्या वर्धमान ऑईल मिल कंपनीत अवैधरित्या घरगुती गॅस रिक्षात रिफिलींग करण्याऱ्या पाच जणांच्या टोळीच्या मुसक्या चिकलठाणा पोलिसांनी छापा मारून आवळल्या. अटकेत असलेल्या टोळीकडून पोलिसांनी १९३ गॅस सिलेंडर, दोन रिक्षा, गॅस रिफिलिंग सेंटरसाठी वापरण्यात येणारी मोटार, रोख रक्कम असा एकूण ६ लाख २५ हजार ५५० रूपये किंमतीचा मुद्देमाल जप्त केला आहे.
पोलिसांनी दिलेल्या माहितीनुसार, विकास नारायण गटकळ (वय २२, वाहेगाव ता. पैठण, ह.मु. तिरंगा कॉलनी, पंढरपुर,), गजानन मच्छिंद्र गायकवाड (वय २९, रा. सलामपुरे नगर, पंढरपुर), शेख लतीफ शेख मुसा (वय ३५, रा. सादात नगर रेल्वेस्टेशन), राजु रतन नरवडे (वय ४२, रा. बिडकीन ता. पैठण) आणि शिवाजी सुखदेव खरात (वय २९, रा. चितेगाव ता. पैठण) अशी अटकेत असलेल्या टोळीची नावे आहेत. गेवराई तांडा परिसरातील बंद पडलेल्या वर्धमान ऑईल मिल कंपनीत अवैधरित्या गॅस रिफिलिंग सेंटर सुरू असल्याची माहिती पोलिसांना मिळाली होती.
ग्रामीण पोलिस अधीक्षक मोक्षदा पाटील, उपविभागीय पोलिस अधिकारी डॉ.विशाल नेहुल यांच्या मार्गदर्शनाखाली चिकलठाणा पोलिस ठाण्याचे सहाय्यक निरीक्षक गजानन जाधव, उपनिरीक्षक प्रदीप ठुबे, जमादार संपत राठोड, दिपक देशमुख, दिपक सुरासे, अण्णा गावंडे, छाया नगराळे, सुरेखा सौंदरमल आदींच्या पथकाने छापा मारून अवैधरित्या गॅस रिफिलिंग करणाऱ्या पाच जणांना ताब्यात घेतले. या प्रकरणी चिकलठाणा पोलिस ठाण्यात गुन्हा दाखल करण्यात आला असून पुढील तपास सहाय्यक निरीक्षक गजानन जाधव करीत आहेत.
महत्त्वाच्या बातम्या
- अधुरी एक कहाणी! ‘या’ कारणामुळे राष्ट्रवादीकडून राजू शेट्टींना ‘दे धक्का!’
- मराठा आरक्षणातील अडसर दूर होणार ? संभाजीराजेंनी राष्ट्रपतींकडे केल्या ‘या’ २ महत्वाच्या मागण्या
- संभाव्य तिसऱ्या लाटेच्या पार्श्वभूमीवर पथदर्शी प्रकल्प म्हणून कोरोनामुक्त वार्ड करा – गोऱ्हे
- बारामती नगरपरिषदेच्या ठरावाला आव्हान देणारी याचिका उच्च न्यायालयाने फेटाळली
- ‘काही लोकांमुळे सहकारी खाते बदनाम होतंय, फटका माझ्यासारख्याला बसतो’
बातम्यांसाठी YouTube चॅनेल Subscribe करा
Subscribe Now
