आंतरराष्ट्रीय प्राणी उद्यान उद्घाटनासाठी आज मुख्यमंत्री उद्धव ठाकरे नागपूर दौऱ्यावर !

नागपूर : आजच्या प्रजासत्ताक दिनी मुख्यमंत्री उद्धव ठाकरे नागपूर दौऱ्यावर असणार आहेत. यावेळी १ हजार ९१४ हेक्टरवर पसरलेल्या बाळासाहेब ठाकरे गोरेवाडा आंतरराष्ट्रीय प्राणी उद्यानाचे उदघाटन आज मुख्यमंत्री ठाकरे यांच्या हस्ते करण्यात येणार आहे. दुपारी तीन वाजता मुख्यमंत्री नागपुरात दाखल होणार असून चार वाजता हा उदघाटन कार्यक्रम पार पडणार आहे.

गोरेवाडा आंतरराष्ट्रीय प्राणी उद्यानं हे विदर्भातील नवं पर्यटन स्थळ ठरणार आहे. उद्घाटनानंतर भारतीय सफारी नागरिकांसाठी सुरु होणार आहे. 40 आसन क्षमतेच्या एसी बसमधून नागरिकांना सफारीचा आनंद लुटता येणार आहे.

भारतीय सफारीसाठी वाघ, अस्वल, बिबट आणि तृणभक्षी प्राणी सोडण्यात आलेत पुढच्या टप्प्यात आफ्रिकन सफारी, बर्ड सफारी, नाईट सफारीचे नियोजन करण्यात आले आहे. इंडियन सफारीचे दर पण तुलनेत कमी असून सोमवार ते गुरुवार बेंझ एसी बसचे दर 300 रुपये आणि 400 रुपये आयशर एसी बससाठी आहेत. सध्या दोन्ही बस दरांमध्ये 20 टक्के सुट देण्यात आली आहे.

महत्वाच्या बातम्या

• कोणी कितीही भुंकले तरी फरक पडत नाही; कॉंग्रेस आमदाराचा शिवतारेंना टोला
• अभिमानास्पद ! राज्यातील ५७ शूर पोलीस अधिकाऱ्यांना राष्ट्रपती पोलीस पदकाचा सन्मान
• ‘अनाथांची माई’ सिंधुताई सपकाळ यांना पद्मश्री पुरस्कार जाहीर
• लोककला जपणाऱ्या कोकणातील परशुराम गंगावणे यांना ‘पद्मश्री’ पुरस्कार जाहीर !
• जय हिंद…पंतप्रधान मोदींकडून देशवासीयांना प्रजासत्ताक दिनाच्या शुभेच्छा