Chandrashekhar Bawankule । “गेली अडीच वर्ष तुम्ही काय केलं?”; वाहतूक कोंडीवरून बावनकुळेंचा सुप्रिया सुळेंना सवाल

🕒 1 min read

Chandrashekhar Bawankule । मुंबई : आज सकाळी हडपसर ते सासवडच्या प्रवासादरम्यान सुप्रिया सुळे वाहतूक कोंडीमध्ये अडकल्या होत्या. पुण्यात झालेल्या मुसळधार पावसामुळे पुणे- सोलापूर महामार्गावरील शेवाळेवाडी येथे मोठ्या प्रमाणात पाणी साचल्याने रस्त्यावर वाहनाच्या लांब रांगा लागल्या होत्या. अखेर सुप्रिया सुळे यांनी स्वत: गाडीतून खाली उतरत वाहतूक कोंडी सोडवण्याचा प्रयत्न केला. वाहतूक कोंडीच्या समस्येकडे सरकार लक्ष देत नसल्याची टीका सुप्रिया सुळेंनी केली होती. या टीकेवर चंद्रशेखर बावनकुळे यांनी  प्रत्युत्तर दिलं आहे.

पालखी मार्गावरील खराब रस्त्याबाबत सुप्रिया सुळेंनी ट्विटवर नितीन गडकरींना आवाहन केले आहे. यावर चंद्रशेखर बावनकुळे (Chandrashekhar Bawankule) यांनी सुप्रिया सुळेंना प्रतिप्रश्न करत टीकास्त्र सोडले आहेत. “नवीन सरकार येऊन नव्वद दिवस झाले. मात्र, गेली अडीच वर्ष तुमचं सरकार होतं तेव्हा तुम्ही काय केलं?” असा सवाल बानवकुळे यांनी सुप्रिया सुळेंना विचारला आहे.

“सुप्रिया सुळे स्वत: खासदार आहेत. गेली अडीच वर्ष राज्यात तुमचं सरकार होतं. त्यामुळे आत्ताच्या सरकारकडे बोट दाखवून तुम्ही तुमची जबाबदारी झटकू शकत नसल्याचेही बावनकुळे म्हणाले. आत्ता तुम्ही गाव गाव आणि वसत्या-वसत्या फिरु लागल्या आहेत. त्यामुळे विरोधकांना मांडण्यासाठी काही मुद्दे नाहीत त्यामुळे मीडियाचे लक्ष वेधणे आणि स्टंटबाजी करण्याचा प्रयत्न विरोधकांकडून असल्याचं बावनकुळे म्हणालेत.

हडपसर ते सासवड या पालखी महामार्गाकडे तातडीने अगदी 'टॉप प्रायोरिटी'वर लक्ष देण्याची गरज आहे. या रस्त्याची प्रचंड अशी दुरवस्था झाली असून सातत्याने येथे वाहतूक कोंडी होते.आता तर अशी अवस्था आहे की येथे एक गाडी जरी बंद पडली तरी प्रचंड अशी वाहतूक कोंडी होते. pic.twitter.com/sRFfh4vn0s

— Supriya Sule (@supriya_sule) October 20, 2022

काय म्हणाल्या सुप्रिया सुळे?

हडपसर ते सासवड या पालखी महामार्गाकडे तातडीने अगदी ‘टॉप प्रायोरिटी’वर लक्ष देण्याची गरज आहे. या रस्त्याची प्रचंड अशी दुरवस्था झाली असून सातत्याने येथे वाहतूक कोंडी होते. आता तर अशी अवस्था आहे की येथे एक गाडी जरी बंद पडली तरी प्रचंड अशी वाहतूक कोंडी होते. याचा नागरीकांना प्रचंड त्रास व मनस्ताप होत आहे. तरी केंद्रीय रस्ते व महामार्ग मंत्री मा. नितीनजी गडकरी आपणास नम्र विनंती आहे की, हे काम तातडीने हाती घेऊन ते मार्गी लावणे आवश्यक आहे.कृपया याबाबत सकारात्मक विचार करावा”, अशी विनंती सुप्रिया सुळेंनी ट्वीट करत केली आहे.

महत्वाच्या बातम्या :

• Ashish Shelar । “सध्या पेंग्विन सेनेला कावीळ झालीय दिसेल ते…”; आशिष शेलारांचा ठाकरेंवर निशाणा
• Eknath Shinde । प्लास्टिकबंदीची कडक अंमलबजावणी करणार; मुख्यमंत्री शिंदेंची ग्वाही
• Sushma Andhare | केसरकर म्हणतात गृहपाठ बंद करा, काय येतच नाही तर काय सांगणार; सुषमा अंधारेंचा टोला
• Sushma Andhare | नितेश आणि निलेश यांनी देवेंद्र फडणवीसांकडून होमवर्क करुन घ्यावा – सुषमा अंधारे
• Cm Eknath Shinde | शेतकऱ्यांना शिंदे सरकारचा मोठा दिलासा! कर्जमाफीची घोषणा