मोठी बातमी : मुकेश अंबानी यांच्या घराबाहेर स्फोटकांनी भरलेल्या गाडीमुळे खळबळ

🕒 1 min read

मुंबई : भारतातील श्रीमंत उद्योजक आणि रिलायन्स इंडस्ट्रीजचे मालक मुकेश अंबानी यांच्या निवासस्थानाबाहेर स्फोटकांनी भरलेली जीप आढळल्याने खळबळ उडाली आहे. मुंबईतील अँटिलिया या निवासस्थानाजवळ जिलेटिनचा साठा सापडला. पोलीस आणि श्वानपथकं घटनास्थळी दाखल झाले असून तपास सुरु आहे. या स्फोटकांसह एक चिठ्ठीही सापडली असून त्यामधून घातपाताची धमकी दिल्याचं समजतं.

मुंबईचे सह पोलीस आयुक्त विश्वास नांगरे पाटील हे घटना स्थळी पोहचलेले आहेत. हा सर्व परिसर अतिशय उच्चभ्रू मानला जातो. अनेक मंत्र्यांचे बंगले याच परीसरात आहे. याच अनुषंगाने हा मुंबईतील एक महत्वाचा भाग मानला जातो.

दरम्यान ज्या गाडी मध्ये हे स्फोटके भरलेले आहेत त्या गाडीचा नंबर आणि मुकेश अंबानीच्या गाडीचा नंबर हा एकच असलेला पाहायला मिळत आहेत. त्यामुळे या सर्व घटनेला घातपाताचे स्वरूप मिळालेले आहे.

गृहराज्यमंत्री शंभूराज देसाई यावर यांनी सांगितले कि. ‘या वाहनाचा रंग घालवलेला आहे. वाहन ताब्यात घेऊन स्थानिक गुन्हे शाखेकडून तपास सुरु आहे. स्फोटकं का ठेवली यांच्या मूळाशी आम्ही जाऊच. पण तपास सुरु असल्याने सध्यातरी भाष्य करणं चुकीचं आहे. मुकेश अंबानी यांनी घाबरण्याचं कारण नाही. गरज पडली तर अंबानी कुटुंबाची सुरक्षा वाढवली जाईल, अशी प्रतिक्रिया राज्याचे गृहराज्यमंत्री देसाई यांनी दिली.

महत्वाच्या बातम्या :

• महाराष्ट्रात आरोग्यावर हवे अधिकचे काम, ७५ टक्के आमदारांचे मत
• वडिलांच्या आठवणीत गोपीनाथ गडावर प्रितम मुंडेंकडून फुलांची आरास
• दिवंगत विमलताईंचे स्वप्न सून नमिता मुंदडाकडून पूर्ण
• सामाजिक बांधिलकी! धनंजय मुंडेंकडून ‘त्या’ चिमुकलीचा पहिला वाढदिवस साजरा
• आयुक्त पांडेय यांच्या आडून शिवसेनेचा ‘ठाकरे’ स्मारकाचा अजेंडा