‘मोनलूपिरावीर या औषधाचा वापर टाळा, अन्यथा…’, डॉ. कपिल झिरपे यांचा इशारा

🕒 1 min read

पुणे : दोन वर्षांपासून कोरोनामुळे (Corona) जनजीवन विस्कळीत झाले आहे. गेले काही महिने कोरोनाला ब्रेक लागला होता. परिस्थिती पूर्वपदावर येत होती. परंतु आता कोरोनाच्या नव्या विषाणुने संपूर्ण जगाची चिंता वाढवली आहे. दक्षिण अफ्रिकेत आढळलेल्या ‘ओमायक्रॉन’ (Omicron) हा विषाणू जास्त वेगाने फैलावणारा असल्याने अनेक देशांनी धास्ती घेतली आहे. असे असतांनाच मोनलूपिरावीर या औषधांचा वापर मोठ्या प्रमाणात होत असतानाचे चित्र बघायला मिळत आहे. याच पार्श्वभूमीवर टास्कफोर्सचे सदस्य डॉ. कपिल झिरपे(Dr.Kapil Zirpe) यांनी मोनलूपिरावीर या औषधाचा वापर टाळा, असे म्हंटले आहे.

यासंदर्भात प्रसार माध्यमांशी संवाद साधत असतांना डॉ.झिरपे म्हणाले आहेत की,’मोनलूपिरावीर या औषधांचा डॉक्टरांनी सर्रास वापर करू नये. हे औषध अँटी व्हायरल असून कोरोनाच्या विषाणूला रिप्लिकेट करते.’ तसेच ओमिक्रॉनचा संसर्ग खूप वेगाने पसरत असून दोन दिवसात तो दुप्पट होत आहे. मुंबई-पुण्यात सातत्याने रुग्णांची संख्या वाढत होत असल्याचेही ते म्हणाले.

दरम्यान, पुढे ते म्हणाले की,’तिसऱ्या लाटेला अनुसरून महाराष्ट्र टास्क फोर्सने वेगवगेळ्या मार्गदर्शक सूचना दिल्या आहेत. त्यानुसार राज्य सरकार व टास्क फोर्सने याची दखल घेतली आहे. परंतु असे असले तरी लोकांनी या लाटेला घाबरून न जाता धीराने सामोरे जायचे आहे लक्षात ठेवले पहिजे’, असेही डॉ.झिरपे म्हणाले आहेत.

महत्वाच्या बातम्या:

• आशिष शेलार यांना जीवे मारण्याच्या धमकीनंतर फडणवीसांची प्रतिक्रिया;म्हणाले…
• पंतप्रधानांची सुरक्षा व्यवस्था रामभरोसे नाही – संजय राऊत
• वृद्ध शेतकऱ्याने कानशिलात लगावल्यानंतर ‘त्या’ भाजप आमदाराने दिले स्पष्टीकरण
• “पाकिस्तानात जाऊन बिर्याणी खाल्ली तेव्हा मोदींना भीती वाटली नाही, पण…”
• ‘एसटी कर्मचाऱ्यांच्या सहनशक्तीचा अंत बघणाऱ्या मुर्दाड सरकारचा तीव्र निषेध’, भातखळकरांचा हल्लाबोल