‘धरणात मुतण्याची भाषा करणाऱ्या अजित पवारांना राणेंचं अरे-तुरे इतके का झोंबावं?’

मुंबई : नैसर्गिक संकटाची पाहणी करायला गेलेल्या काही लोकांनी मुख्यमंत्र्यांबद्दल ‘अरे – तुरे’ चे शब्द वापरले ही महाराष्ट्राची संस्कृती नाही अशा शब्दात उपमुख्यमंत्री अजित पवार यांनी नाव न घेता केंद्रीय मंत्री नारायण राणेंचे कां टोचले होते.

पाच वर्षे सत्तेत नसताना संकट आल्यावर आम्ही जात होतो त्यावेळी मी जिल्हाधिकारी आले नाही… प्रांत कुठे गेला…मामलेदार कुठे आहे असं कधीही म्हटलं नाही किंवा विचारले नाही. अरे तुम्ही जिल्हाधिकारी, मामलेदारांना बघायला आलात की जे नुकसान झाले आहे त्याची पाहणी करण्यासाठी आलात असा संतप्त सवालही अजित पवार यांनी केला होता.

यावर भाजप आमदार अतुल भातखळकर यांनी अजित पवार यांना खोचक टोला लगावला आहे. ‘धरणात मुतण्याची भाषा करणाऱ्या अजित पवारांना नारायण राणेंचं अरे-तुरे इतके का झोंबावं?’ असा सवाल अतुल भातखळकर यांनी केला आहे.

धरणात मुतण्याची भाषा करणाऱ्या @AjitPawarSpeaks यांना @MeNarayanRane यांचे अरे-तुरे इतके का झोंबावे??? pic.twitter.com/nBOxnhiCF0

— Atul Bhatkhalkar (@BhatkhalkarA) July 30, 2021

नेमकं काय म्हणाले होते नारायण राणे ?

नारायण राणे हे २५ जून रोजी चिपळूणमधील पूरस्थितीची पाहणी करण्यासाठी आल्यानंतर कोणीही अधिकारी उपस्थित नसल्याने जिल्हाधिकाऱ्यांना चांगलंच धारेवर धरलं होतं. नारायण राणे जिल्हाधिकाऱ्यांना म्हणाले, ‘तो सीएम बीएम गेला उडत. आम्हाला कुणाचीही नावं सांगू नका. प्रांत सांगतो पालकमंत्र्यांसोबत आहे, तुम्ही सांगताय सीएमसोबत आहे. इथं कोण आहे? इथं तुमचा एक तरी अधिकारी आहे का? आतापर्यंत तुम्हाला स्वस्थ बसू दिलं, आता जागेवर बसू देणार नाही हे लक्षात ठेवा.” समोर जिल्हाधिकाऱ्यांनी सीईओ संबंधित ठिकाणी असल्याचं सांगितलं. त्यानंतर कोण सीईओ आहे, मला कुणीही भेटलं नाही असं सांगितलं. मी बाजारपेठेत उभा आहे. कोण आहेत सीईओ? मला दाखवा.’

महत्त्वाच्या बातम्या

• लोकांचा रोष कमी करण्यासाठी मुख्यमंत्री विरोधी पक्ष नेत्यांना भेटले- प्रविण दरेकर यांचा आरोप
• ‘प्रत्येकवेळी अभिमान वाटेल अशी कामगिरी केली’, प्रियांकाकडून मेरीकोमचं कौतुक
• ‘भिंत बांधावी ही कल्पना, आग्रह नाही’; विरोधकांच्या टीकेनंतर मुख्यमंत्री ठाकरेंच स्पष्टीकरण
• ‘पूर संरक्षक भिंत चीनच्या भिंतीसारखी सरसकट बांधता येणार नाही’; फडणवीसांचा ठाकरेंना उपरोधिक टोला
• ‘ज्या क्षणी अनिल देशमुख ‘अज्ञातवास’ मधून बाहेर येतील, सीबीआय आणि ईडी त्याला अटक करतील’