🕒 1 min read
मुंबई : राज्यात कालपासून पावसाळी अधिवेशन सुरु आहे. आज सलग दुसऱ्या दिवशी विरोधकांनी विधानभवनाच्या पायऱ्यांवर सरकारविरोधात जोरदार घोषणाबाजी केली. तसेच अधिवेशनाच्या दुसऱ्या दिवशी विरोधी पक्षातील नेते चांगलेच आक्रमक झाले. त्यानंतर सभागृहात प्रश्न उत्तरं सुरु असताना मुख्यमंत्री एकनाथ शिंदे, उपमुख्यमंत्री देवेंद्र फडणवीस आणि विरोधी पक्षनेते अजित पवार यांच्या समोर २ माईक असल्याचं दिसून आलं. हि गोष्ट भाजप नेते आशिष शेलार यांच्या निदर्शनास आली व त्यांनी यावर संशय व्यक्त केला.
“मुख्यमंत्री, उपमुख्यमंत्री आणि विरोधी पक्षनेते यांच्यासमोर दोन माईक आहेत. अजित पवार यांनीही समोर ठेवण्यात आलेल्या दोन्ही माईकवर त्यांनी प्रश्न उपस्थित केला. या माईकचा आवाज कुठे जात आहे? या तिघांचा आवाज दुसरीकडे कुठे रेकॉर्ड होतोय का? याची चौकशी व्हायलाच हवी.”, असं आशिष शेलार म्हणाले. तर यावर अजित पवार यांनीही त्यांच्या खास शैलीत प्रत्युत्तर दिलं. “हो, आमचा आवाज दुसरीकडे जातो. आमचा आवाज थेट दिल्लीला जातो, आमचं पण दिल्लीला ऑफिस आहे.”, असं पवार म्हणाले.
नीलम गोऱ्हे यांनी पाटलांना खडसावलं
सभागृहात एका प्रश्नाचं उत्तर देत असताना मंत्री गुलाबराव पाटील हे जास्तच आक्रमक झाले होते. हा प्रश्न शिक्षण खात्याशी संबंधित होता. तरी देखील गुलाबराव पाटील हे मोठ्या आवाजात उलटप्रश्न करत होते. त्यावरून उपसाभापती नीलम गोऱ्हे यांनी त्यांना शांत राहण्याची सूचना केली. तरीही पाटील हे बोलतच होते. त्यावरून गोऱ्हे यांचा संयम सुटला आणि त्यांनी पाटलांना खडे बोल सुनावले. “मंत्री महोदय तुम्ही खाली बसा, हा तुमच्या खात्याशी संबंधित प्रश्न नाही. त्यामुळे उगाच कशाला छातीवर हात आपटून आपटून बोलताय. मला सभागृहाचं कामकाज चालवायचं आहे. हि काय पद्धत झाली का बोलायची? तुम्ही काय कोणत्या चौकात उभे आहात का? परत परत ताकीद देऊनही तुम्ही ऐकत नाही. तुम्ही आधी खाली बसा.” अशा शब्दात गोऱ्हे यांनी पाटलांना खडसावलं.
महत्वाच्या बातम्या:
- Neelam Gorhe | “छातीवर हात आपटून बोलू नका”; नीलम गोऱ्हे गुलाबराव पाटलांवर भडकल्या
- Bhaskar Jadhav । मध्ये बोलणाऱ्या नितेश राणेंना काहीतरी शिकवा, भास्कर जाधव संतापले
- Eknath Shinde | सर्वसामान्यांना परवडणारी हक्काची घरे देण्यासाठी शासन कटिबद्ध – एकनाथ शिंदे
- Assembly Session 2022 | मध्ये बोलणाऱ्या नितेश राणेंना काहीतरी शिकवा, भास्कर जाधव संतापले
- Ajit Pawar । तानाजी सावंतांनी प्रश्नाला उत्तर न दिल्याने विधानसभेत अजित पवार संतापले
बातम्यांसाठी YouTube चॅनेल Subscribe करा
Subscribe Now
