नवी दिल्ली- देशातील कोरोना रुग्णांचा आकडा 28 लाखांपेक्षा अधिक वाढला आहे. कोरोनाच्या विळख्यात अनेक व्हीआयपी लोक देखील अडकले आहेत. मोदी सरकारच्या अजून एका मंत्र्यांचा कोरोना अहवाल पॉजिटिव्ह आला आहे.
केंद्रीय मंत्री गजेंद्र सिंह शेखावत यांना कोरोनाची लागण झाली असून त्यांना हॉस्पिटलमध्ये दाखल करण्यात आले आहे. राजस्थानच्या जोधपूरचे प्रतिनिधीत्व करत असून मोदी सरकारमधील ते चौथे कोरोनाबाधित मंत्री आहे. यापूर्वी केंद्रीय गृहमंत्री अमित शहा, धर्मेंद्र प्रधान व अर्जनराम मेघावाल हे बाधित झाले आहे. जोधपूर भाजपचे जिल्हाध्यक्ष देवेंद्र जोशी यांचा अहवाल पॉझिटिव्ह आल्यानंतर शेखावत यांची तपासणी करण्यात आली.
अस्वस्थता के कुछ लक्षण दिखने पर मैंने कोरोना टेस्ट करवाया और मेरी रिपोर्ट पॉजिटिव आई है। डॉक्टर्स की सलाह पर अस्पताल में भर्ती हो रहा हूँ। मेरा अनुरोध है कि गत दिनों में मेरे संपर्क में जो लोग आये हैं वह स्वयं को आइसोलेट कर अपनी जाँच करवाएं। आप सभी स्वस्थ रहें और अपना ध्यान रखें।
— Gajendra Singh Shekhawat (@gssjodhpur) August 20, 2020
केंद्रीय मंत्री गजेंद्र सिंह शेखावत यांनी स्वतः ट्विट करून याबाबत माहिती दिली आहे. ‘प्रकृती अस्वास्थ्यामुळे व काही लक्षणे दिसल्याने मी कोरोना चाचणी केली आणि रिपोर्ट पॉझिटिव्ह आला. डॉक्टरांच्या सल्ल्याने मी रुग्णालयात उपचारासाठी दाखल होत आहे. गेल्या काही दिवसात माझ्या संपर्कात आलेल्या लोकांनी आयसोलेट व्हावे आणि चाचणी करून घ्यावी’, असे आवाहन गजेंद्र सिंह शेखावत यांनी केले आहे.
दरम्यान,सतलज, यमुना नद्या जोडणीसंदर्भात चर्चा करण्यासाठी केंद्रीय मंत्री गजेंद्रसिंह शेखावत यांनी हरयाणाचे मुख्यमंत्री मनोहरलाल खट्टर यांची मंगळवारी भेट घेतली होती. आता त्यांनी देखील स्वतःला आयसोलेट केलं आहे.
महत्वाच्या बातम्या-
‘त्या’ निविदेसाठी माझ्या मुलानं पदाचा गैरवापर केला नाही – किशोरी पेडणेकर
