अनिल परब यांच्या अडचणी आणखी वाढल्या; राज्यपालांकडून चौकशीचे आदेश

मुंबई – राज्याचे परिवहन मंत्री अनिल परब यांच्या अडचणीत वाढ होण्याची शक्यता आहे. भाजप खासदार किरिट सोमय्या यांच्या तक्रारीनंतर राज्यपालांच्या आदेशाने लोकायुक्त पदोन्नतीसाठी पैसे वसुलीच्या आरोपांची चौकशी करणार आहेत. यात अनिल परब यांच्या चौकशीचीही शक्यता आहे.

परिवहन विभागातील पदोन्नतीसाठी लाखो रुपयांची वसुली केल्याची तक्रार भाजप नेते किरीट सोमय्या यांनी राज्यपालांकडे केली होती. त्यानुसार आता राज्यपाल भगतसिंग कोश्यारी यांनी लोकायुक्तांना आदेश देऊन या प्रकरणाची चौकशी करण्याचे आदेश दिले आहेत. त्यानुसार 2 सप्टेंबरला या प्रकरणाची सुनावणी होणार आहे.

किरीट सोमय्या यांनी राज्यातील परिवहन विभागातंर्गत कार्यरत अधिकारी बजरंग खरमाटे, वर्ध्यातील परिवहन विभाग उप प्रादेशिक अधिकारी यांनी अनिल परब यांच्या संगनमताने प्रादेशिक परिवहन अधिकाऱ्यांच्या बदल्या, पदस्थापना, प्रतिनियुक्ती, पदोन्नती प्रकरणी लाखो रुपयांची वसुली केल्याचा आरोप केला आहे. किरीट सोमय्या यांनी चार महिन्यांपूर्वी या प्रकरणाची तक्रार केली होती.

श्री. बजरंग खरमाटे, RTO श्री. अनिल परब, परिवहन मंत्री यांच्या संगनमताने अधिकाज्यांच्या बदल्या…. प्रकरणी केलेल्या भ्रष्टाचाराविरुध्द किरीट सोमैया यांची तक्रार

मा.राज्यपाल यांचे आदेशानुसार मा. लोकायुक्त यांनी सुरु केलेली चौकशी/सुनावणी

दिनांक 2/9/2021 रोजी दुपारी 12 वाजता pic.twitter.com/pcUW680PWL

— Kirit Somaiya (@KiritSomaiya) August 31, 2021

दरम्यान,आता त्यानंतर राज्यपालांनी लोकायुक्तांना चौकशीचे आदेश दिले आहेत. २ सप्टेंबरला दुपारी १२ वाजता सुनावणी होणार आहे. आरटीओ अधिकारी बजरंग खरमाटे हे अनिल परब यांचे सचिन वाझे आहे. त्याच्या मार्फत २५ लाखांपासून १ कोटींपर्यंतची वसुली केली जात होती, असा आरोप किरीट सोमय्या यांनी केला आहे.

महत्त्वाच्या बातम्या

• पोलिसांकडून तो ज्या दिवशी सुटेल त्यादिवशी आमच्याकडून मार खाईल – राज ठाकरे
• संतापजनक : महिला अधिकाऱ्यावर फेरीवाल्याचा जीवघेणा हल्ला; दोन बोटं तुटली
• …म्हणून नेहमी सांगतो..चड्डीत राहायचं! नितेश राणेंचा शिवसेनेवर शेलक्या शब्दात हल्लाबोल
• धार्मिक स्थळं बंद करण्यामागे सरकारचा हेतू काय?, राणाजगजितसिंह पाटील यांचा सवाल
• सरकारच्या नाकावर टिच्चून मनसेने मध्यरात्री दहीहंडी फोडली; पोलिसांनी 3 जणांना ताब्यात घेतले