🕒 1 min read
मुंबई : वेदांत ग्रुप आणि फॉक्सकॉन यांनी संयुक्तपणे त्यांचे डिस्प्ले फॅब्रिकेशन आणि सेमीकंडक्टर युनिट महाराष्ट्रातून गुजरातमध्ये हलवला आहे. त्यामुळे महाराष्ट्रातील राजकारण चांगलेच तापले आहे. राष्ट्रवादी काँग्रेस चांगलीच आक्रमक झाली आहे. खासदार सुप्रिया सुळे यांच्या नेतृत्वाखाली सरकारच्या विरोधात निदर्शने करण्यात आली. दुसरीकडे, माजी उपमुख्यमंत्री अजित पवार यांनी शिंद सरकारवर टीका केली आहे.
अजित पवार म्हणाले, “शिंदे साहेब तुम्ही सरकारमध्ये आल्यानंतर सांगताय सर्वसामान्यांचे सरकार आहे. आमचं सरकार होतं तेव्हा काय सर्व सामान्यांच सरकार नव्हते काय? आम्ही काय वरुन पडलो होतो काय?. तुम्हीही आमच्या मांडीला मांडी लावून बसला होता. झालेली चूक लपवण्याकरीता उगाच काहीही बोलता.”
छत्रपती शिवाजी महाराजांच्या महाराष्ट्रामध्ये गद्दारी चालणार नाही-
“गद्दार म्हटले की यांचे (शिंदे गट) धाबे दणाणतात. तुम्ही गद्दार नाही तर तुम्हाला का लागतं. ज्यांनी कोणी गद्दारी केली असेल त्यालाच लागेल. आम्ही कुणाचे नाव घेतले नाही. छत्रपती शिवाजी महाराजांच्या महाराष्ट्रामध्ये गद्दारी चालणार नाही,” असे अजित पवार यांनी ठणकावून सांगितेल.
तुम्ही गाजर दाखवण्याचे धंदे करताय काय?-
“वेदांत ग्रुप आणि फॉक्सकॉन हा प्रकल्पाला तळेगावला उद्धव ठाकरे मुख्यमंत्री असताना दिली. यातून दिड लाख रोजगार मिळणार होता. मात्र हा प्रकल्प ज्या ठीकाणी गेला तो दबावातून गेल्याचे समजते. यावर मुख्यमंत्री का बोलत नाहीत, का आवाज उठवत नाहीत. आता म्हणतात हा प्रकल्प गेला तर गेला दुसरा मोठा प्रकल्प आणू, मोठा प्रकल्प आणाचं पण हा का जाऊ देत आहात. तुम्ही गाजर दाखवण्याचे धंदे करताय काय?”, असा खोचक सवाल देखील अजित पवार यांनी केला आहे.
महत्वाच्या बातम्या :
- MNS | “विदर्भातील लोक भाजपला कंटाळली आहेत”; मनसेचा फडणवीसांवर निशाणा
- Sanjay Shirsat | संजय शिरसाट यांना उपनेत्यांची यादीतून देखील वगळलं, शिंदे गटाकडून 26 उपनेत्यांची यादी जाहीर
- Flipkart Sale | iPhone चाहत्यांसाठी खुशखबर..iPhone 13 आणि iPhone 12 mini वर बंपर ऑफर, सर्वात कमी किमतीत उपलब्ध असतील
- Raj Thackeray | भाजपच्या जवळ जाणाऱ्या राज ठाकरेंना भाऊ उद्धव यांनी सामनातून केलं सावध, म्हणाले…
- Devendra Fadnavis । लोकशाहीर अण्णाभाऊ साठे व्यक्ती नव्हे तर विद्यापीठ – देवेंद्र फडणवीस
बातम्यांसाठी YouTube चॅनेल Subscribe करा
Subscribe Now
