मुंबई : मे महिन्याच्या पहिल्या आठवड्यात भारतात सुरु असलेल्या आयपीएल स्पर्धेत कोरनाचा शिरकाव झाला आणि ही स्पर्धा स्थगित करण्यात आली. स्पर्धा स्थगित झाल्यानंतर उर्वरित स्पर्धा कधी आणि कुठे होणार असे प्रश्न विचारले जाऊ लागले. यादरम्यान शनीवारी २९ मे रोजी बीसीसीआयने स्पर्धेतील उर्वरीत सामन्याची घोषणा करुन सर्व चर्चांना पुर्णविराम दिला.
आयपीएल स्पर्धेचे उर्वरीत सामने हे सप्टेंबर-ऑक्टोबर महिन्यात युएई येथे आयोजीत करण्यात येणार आहे. आयपीएल २०२१ च्या पुर्वार्धात दिल्ली कॅपीटल्सचा नियमीत कर्णधार श्रेयस अय्यर हा जखमी असल्यामुळे रिषभ पंतने कर्णधारपद भुषवले होते. मात्र सप्टेंबर पर्यंत अय्यर दुखापतीतून सावरुण जाईल त्यामुळे रिषभ पंतचे कर्णधारपद काढुन पुन्हा अय्यरला देण्यात येईल. याव्यतीरिक्त केकेआर आणि सनरायझर्स हैदराबाद या संघाचे कर्णधारपद बदलले जाण्याची शक्यता आहे.
आयपीएलच्या उर्वरीत सामन्याच्या वेळी न्युझीलंडचा संघ पाकिस्तानविरुद्ध मालिका खेळणार आहे. त्यामुळे हैदराबाद संघाचा नवनिर्वाचीत कर्णधार केन विल्यमसन हा उर्वरीत हंगामात उपलब्ध असण्याची शक्यता कमी आहे. त्यामुळे सनरायझर्स हैदराबाद संघाचे कर्णधारपद पुन्हा डेव्हीड वॉर्नरकडे दिले जाऊ शकते. तर कोलकाता नाइट रायडर्स संघाचा कर्णधार इयान मॉर्गन दुसऱ्या टप्प्यासाठी उपलब्ध असु शकत नाही. कारण यादरम्यान इंग्लंडच्या संघाचे वेळापत्रक व्यस्त असल्यामुळे इतर खेळाडूप्रमाणे तोही उपलब्ध नसल्यामुळे कर्णधारपद पुन्हा दिनेश कार्तिकला किंवा नितीश राणाला दिले जाऊ शकते.
महत्त्वाच्या बातम्या
- बीड जिल्ह्यात लहान मुलगी व वनरक्षकाची आत्महत्या!
- महेश मांजरेकर पुन्हा बायोपीककडे, स्वातंत्र्यवीर सावरकरांचा जिवनपट उलगडणार मोठ्या पडद्यावर
- देवेंद्र फडणवीसांनी घेतली शरद पवारांची भेट; राजकीय चर्चांना उधाण
- अहिल्यादेवी होळकर यांचे कार्य आणि विचार जगभरातील राज्यकर्त्यांसाठी आदर्श आहे- अजित पवार
- १५ दिवसात १ कोटी रुपये देत माफी मागा, अन्यथा फौजदारी गुन्हा ; निलेश लंके आक्रमक
