मुंबई: मंगळवारी एकीकडे बिहार विधानसभा निवडणूक निकाल लागला तर आयपीएल फायनल मध्ये मुंबई इंडियन्स संघाने पाचवं विजेतेपद पटकावल यावेळी बिहार विजयाच्या श्रेय मिळालेल्या देवेंद्र फडणवीसांनी देखील ‘मुंबई इंडियन्स’चं अभिनंदन केलं आहे. बिहार निवडणुकीच्या प्रचारात अनेक ठिकाणी सभा घेतलेल्या देवेंद्र फडणवीस यांनी आक्रमक प्रचार केला. पक्षाची बाजू मांडली तसंच विरोधकांच्या चुकीच्या गोष्टींवर फडणवीसांनी बोट ठेवले. एकूणच प्रचार कार्यक्रमात फडणवीसांनी मोलाची भूमिका बजावली. त्यांच्या नियोजनाचा आणि अनुभवाचा आम्हाला मोठा फायदा झाला”, असं वक्तव्य बिहार भाजपचे प्रदेश प्रवक्ते संजय टायगर यांनी केलं आहे.
आयपीएलच्या १३ व्या हंगामाच्या अंतिम सामन्यात बलाढ्य मुंबई इंडियन्सने दिल्ली कॅपिटल्स संघावर ५ गडी राखून विजय मिळवला. दुबईच्या मैदानावर झालेल्या फायनलमध्ये कर्णधार श्रेयस अय्यर आणि ऋषभ पंत यांच्या अर्धशतकी खेळींच्या जोरावर दिल्लीने मुंबई इंडियन्ससमोर १५७ धावांचे आव्हान ठेवले होते. या आव्हानाचा पाठलाग करताना कर्णधार रोहित शर्माने केलेल्या धमाकेदार अर्धशतकी खेळीच्या जोरावर मुंबईने ५ गडी राखून सहज विजय मिळवला. मुंबईचे हे पाचवे IPL विजेतेपद ठरले.
मुंबईला मिळालेल्या विजेतेपदानंतर त्यांच्या शुभेच्छांचा वर्षाव झाला. माजी मुख्यमंत्री देवेंद्र फडणवीस यांनी खास शैलीत मुंबईच्या संघाचं कौतुक केलं. “…आणि पुन्हा एकदा आमची मुंबई इंडियन्स विजयी झाली. पाचव्यांदा IPLचा चषक उंचावल्याबद्दल संपूर्ण संघाचं मनापासून अभिनंदन! रोहित… तू खरंच एक उत्तम कर्णधार आहेस. आम्हाला तुझा अभिमान वाटतो”, असं ट्विट फडणवीस यांनी केलं.
And once again amchi @mipaltan is the champion!
Congratulations team #MumbaiIndians for clinching the IPL title for the fifth time !@ImRo45 , you have been a great captain.
Proud of you all !#IPLfinal2020— Devendra Fadnavis (@Dev_Fadnavis) November 10, 2020
दरम्यान, प्रथम फलंदाजी करताना दिल्लीची सुरूवात खराब झाली. त्यानंतर कर्णधार श्रेयस अय्यर आणि ऋषभ पंत या दोघांनी संघाचा डाव सावरला. या दोघांनी ९६ धावांची भक्कम भागीदारी केली. ऋषभ पंतने ५६ तर श्रेयस अय्यरने नाबाद ६५ धावांची खेळी केली. १५७ धावांच्या आव्हानाचा पाठलाग करताना मुंबईने दमदार सुरूवात केली. रोहित शर्माने सुर्यकुमार यादवच्या साथीने विजयाचा पाया रचला. रोहित धावा काढून बाद झाला. त्यानंतर इशान किशन आणि कृणाल पांड्या जोडीने विजयाची औपचारिकता पूर्ण केली.
महत्वाच्या बातम्या
- अण्णासाहेब पाटील आर्थिक मागास विकास महामंडळाचे संचालक मंडळ बरखास्त, योजना मात्र निरंतर सुरु
- वाढदिवशी फोटो पोस्ट केल्याने वादाच्या भोवऱ्यात सापडलेल्या मिलिंद सोमनच्या पुन्हा नवीन लुकची चर्चा…
- ‘या’ खास निमित्ताने सोशल मीडियावर दीपिकाने बदललं आपल नाव…
- ‘नाईक कुटुंबियांबद्दल राज्यपालांनी चिंता व्यक्त केली असती तर चांगलं वाटलं असतं’
- ‘औरंगाबादचं नाव बदलण्याने काय साध्य होणार, अस्मिता आणि प्रतिकेच्या मागे किती धावायचं’ – कोल्हे
