सातारा : सोनी मराठी चॅनेलवर नुकत्याच सुरु झालेल्या ‘आई माझी काळुबाई’ या मालिकेतील कलाकारांना कोरोनाचा विळखा बसला आहे. ज्येष्ठ अभिनेत्री आशालता वाबगावकर यांची प्रकृती अचानक खालावली होती. आज ७९ व्या वर्षी त्यांची प्राणज्योत मालवली आहे.
वाबगावकर यांना कोरोनाची लागण झाली होती. यानंतर त्यांना साताऱ्यातील प्रतिभा रुग्णालयात दाखल करण्यात आले होते. ऑक्सिजनची पातळी खालावल्याने त्यांचे पहाटे ४.३० च्या सुमारास निधन झाले आहे. त्यामुळे चित्रपटसृष्टीला मोठा धक्का बसला आहे. आशालता वाबगावकर यांनी आतापर्यंत मराठी आणि हिंदी अशा जवळपास १०० चित्रपटांमध्ये काम केलं आहे.
सोनी मराठी चॅनेलवर नुकत्याच सुरु झालेल्या ‘आई माझी काळुबाई’ या मालिकेत त्यांची भूमिका असून साताऱ्यात शूटिंग सुरु असताना त्यांना कोरोनाची लागण झाली होती. या मालिकेतील २७ जणांना कोरोनाची लागण झाली असून त्यात १६ कलाकार आणि इतर क्रू मेंबर्सचा समावेश आहे. राज्यात अनलॉकची प्रक्रिया सुरु करण्यात आल्यानंतर शूटिंगला परवानगी देण्यात आली होती. मात्र, आता शूटिंग दरम्यान कलाकारांना कोरोनाची लागण होत असल्याने चिंता व्यक्त केली जात आहे.
महत्वाच्या बातम्या :
- #खुशखबर_: उद्यापासून कोव्हिड लसीच्या तिसऱ्या मानवी चाचणीला सुरुवात
- पारनेरमध्ये कांद्याला प्रति क्विंटल ५ हजार १०० रुपयांचा भाव
- मराठा आरक्षणाला दिला ‘या’ खासदारांनी पाठिंबा!
- संसदेत गुंडागर्दी करणाऱ्या खासदारांचे सदस्यत्व रद्द करण्याचा कायदा करा: केंद्रिय राज्यमंत्री रामदास आठवले
- मोठी बातमी: मराठा आरक्षणावरील स्थगिती उठवण्यासाठी राज्य सरकारची सर्वोच्च न्यायालयात याचिका
