पालघर प्रकरणातील आरोपी हे भाजपचे पदाधिकारी : कॉंग्रेस

टीम महाराष्ट्र देशा – लॉकडाऊन काळात महाराष्ट्रातील पालघरच्या गंडचिंचले गावात अफवेवरुन तीन जणांना जी गमवावा लागल्याची  धक्कादायक घटना घडली होती. या प्रकरणी आतापर्यंत १०० हून अधिक आरोपींना अटक करण्यात आली आहे. मात्र या प्रकरणातील आरोपी हे भाजपचेच पदाधिकारी असल्याचा आरोप काँग्रेस प्रवक्ते सचिन सावंत यांनी केला आहे.

सचिन सावंत यांनी ट्विट करत या साधूंचे मारेकरी भाजपचे पदाधिकारी असल्याचं म्हटलंय. तसेच त्यांनी यासंबंधित काही पुरावे सादर केले आहेत. साधुंच्या लिंचिंगचे आरोपी क्र. ६१  ईश्वर निकुले आणि ६५ भाऊ साठे हे भाजपचे पदाधिकारी आहेत, असा दावा सचिन सावंत यांनी केला आहे.

तसेच आरोपींच्या यादीत आणखी बरेच भाजप कार्यकर्ते आहेत. अटक झालेल्यांच्या यादीत भाजपच्या बूथ प्रमुखांचीही नावे असल्याचं सचिन सावंत यांनी म्हटलंय. याबरोबरच त्यांनी काही छायाचित्रही समोर आणले आहेत.

दरम्यान, साधूंच्या हत्येत सहभागी असलेल्या त्यांच्या पक्षाच्या सदस्यांवर भाजपकडून कारवाई का केली जात नाही?, असा सवाल सचिन सावंत यांनी केला आहे.

साधुंचे मारेकरी #भाजपा चे पदाधिकारी! साधुंच्या लिंचिंगचे आरोपी क्र. ६१ ईश्वर निकुले व ६५ भाऊ साठे भाजपाचे पदाधिकारी आहेत. आरोपींच्या यादीतील इतरही अनेक भाजपा च्या कार्यकर्त्यांवर भाजपा कारवाई कधी करणार? इतके दिवस वाट कसली पाहता? #PalgharMobLynching pic.twitter.com/1cEMoGkvTG

— Sachin Sawant सचिन सावंत (@sachin_inc) April 23, 2020

साधूंचे मारेकरी भाजपाचे पदाधिकारी! मॉबलिंचिंगच्या घटनेला ७ दिवस होऊनही साधूंच्या हत्येचे आरोपी अद्याप भाजपाचे पदाधिकारी व सदस्य आहेत. भाजपा कारवाई कधी करणार?
जाहीर निषेध! pic.twitter.com/yfLep1mKsw

— Sachin Sawant सचिन सावंत (@sachin_inc) April 23, 2020

हेही पहा –