Uddhav Thackeray | शिवसेना मजबूत आहे आणि ती आणखी मजबूत होईल – उद्धव ठाकरे

🕒 1 min read

Uddhav Thackeray | नागपूर : शिवसेना पक्षप्रमुख उद्धव ठाकरे हे हिवाळी अधिवेशनानिमित्त नागपूरमध्ये दाखल झाले आहेत. नागपूरमध्ये दाखल होताच उद्धव ठाकरे यांनी काल पक्षाच्या आमदारांची तातडीची बैठक घेतली. कोरोना काळानंतर पहिल्यांदा नागपुरात हिवाळी अधिवेशन होत आहे. दरम्यान आज उद्धव ठाकरे आणि आदित्य ठाकरे यांनी विधिमंडळाच्या नवीन कार्यलयात भेट दिली.

यावेळी त्यांनी कर्मचाऱ्यांची आस्तेने चौकशी केली. कोरोनामुळे अडीच वर्ष हिवाळी अधिवेशन झाले नव्हते. त्यामुळे अडीच वर्षानंतर उद्धव ठाकरे यांनी कर्मचाऱ्यांशी संवाद साधला. यावेळी उद्धव ठाकरे म्हणाले शिवसेना निष्ठावंतांची आहे. त्या निष्ठेवर शिवसेना आणखी मजबूत होईल.

हिवाळी अधिवेशनात उद्धव ठाकरे आणि मुख्यमंत्री एकनाथ शिंदे यांच्यातला सामना बघायला मिळू शकतो. शिवसेनेत मोठा बंड केल्यानंतर पहिल्यांदाच एकनाथ शिंदे आणि उद्धव ठाकरे आमने-सामने येणार आहेत. त्यामुळे शाब्दिक हल्लाबोल देखील होऊ शकतो.

दरम्यान, शिंदे-फडणवीस सरकारला घेरण्यासाठी उद्धव ठाकरे यांनी सेना आमदारांची मिटींग बोलावली आहे. या मिटींगमध्ये उद्धव ठाकरे आमदारांना कानमंत्र देण्याची शक्यता आहे. कर्नाटक-महाराष्ट्र सीमा प्रश्न, भाजप नेत्यांनी महापुरुषांचा केलेला अपमान, हे मुद्दे शिवसेना आमदार उपस्थित करु शकतात.

महत्वाच्या बातम्या : 

• Ajit Pawar | “कोयता गँगला मोक्का लावा, तडीपार करा”; अजित पवार यांची विधानसभेत मागणी
• Winter Session 2022 | सावित्रीबाई फुले यांचे राष्ट्रीय स्मारक भिडे वाडा येथे करण्याबाबत राज्य शासन गंभीर – मुख्यमंत्री
• Winter Session 2022 | भिडे वाड्यात सावित्रीबाई फुले आद्य मुलींची शाळा सुरू करा ; छगन भुजबळ यांची मागणी
• Sanjay Raut | “भाजपची सत्ता गेल्यानंतर त्यांचा इतिहास पण पुसला जाईल”; संजय राऊतांचा घणाघात 
• Eknath Shinde on Lionel Messi | मेस्सीसारखे खेळाडू एका दिवसात घडत नाहीत – एकनाथ शिंदे