🕒 1 min read
Saroj Ahire | नागपूर : विधिमंडळाचे हिवाळी अधिवशेन कालपासून सुरु झाले आहे. नाशिकच्या (Nashik) देवळाली मतदारसंघाच्या राष्ट्रवादीच्या आमदार सरोज अहिरे (Saroj Ahire) या चर्चेच्या विषय ठरल्या. कारण अडीच महिन्याच्या बाळाला घेऊन त्या अधिवेशनात आल्या. आपल्यासाठी हा सुखदः क्षण असल्याचे आमदार अहिरे यांनी सांगितले. त्याचबरोबर विधानभवन परिसरात फिडिंग रुम किंवा हिरकणी कक्ष व्हावा, अशी मागणी सरोज अहिरे (Saroj Ahire) यांनी केली होती.
त्यांच्या या मागणीची तात्काळ दखल घेत नागपूर येथील विधीमंडळाच्या विस्तारित इमारतीमध्ये हिरकणी कक्ष सुरू करण्यात आला आहे. आमदार सौ.सरोज अहिरे यांच्याच हस्ते या कक्षाचे उद्घाटन करण्यात आले. नोकरदार महिलांना त्यांच्या लहान मुलांची काळजी, स्तनपान करता यावे याकरिता कार्यालयांमध्ये हिरकणी कक्ष आहेत.
आरोग्य विभागाच्या माध्यमातून त्याचे कामकाज केले जात असून याठिकाणी स्वतंत्र खोली, पाळणा, वैद्यकीय सुविधा आहेत. या कक्षासाठी एक डॉक्टर, दोन नर्स अशी व्यवस्था करण्यात आली आहे. अधिवेशनासाठी बाळासह आलेल्या आमदार सौ.सरोज अहिरे यांच्या कर्तृत्व आणि मातृत्वाचा सन्मान करीत काल त्यांचे कौतुक केले होते.
आज हिरकणी कक्षाचे उद्घाटन देखील आमदार सौ.अहिरे यांच्या हस्ते करावे असे मत काल व्यक्त केले होते. त्यानुसार सकाळी या कक्षाचे उद्घाटन करण्यात आले. याप्रसंगी सोबत आरोग्यमंत्री डॉ.तानाजी सावंत, शिक्षणमंत्री दीपक केसरकर उपस्थित होते.
महत्वाच्या बातम्या :
- Ajit Pawar | “कोयता गँगला मोक्का लावा, तडीपार करा”; अजित पवार यांची विधानसभेत मागणी
- Winter Session 2022 | सावित्रीबाई फुले यांचे राष्ट्रीय स्मारक भिडे वाडा येथे करण्याबाबत राज्य शासन गंभीर – मुख्यमंत्री
- Winter Session 2022 | भिडे वाड्यात सावित्रीबाई फुले आद्य मुलींची शाळा सुरू करा ; छगन भुजबळ यांची मागणी
- Sanjay Raut | “भाजपची सत्ता गेल्यानंतर त्यांचा इतिहास पण पुसला जाईल”; संजय राऊतांचा घणाघात
- Eknath Shinde on Lionel Messi | मेस्सीसारखे खेळाडू एका दिवसात घडत नाहीत – एकनाथ शिंदे
बातम्यांसाठी YouTube चॅनेल Subscribe करा
Subscribe Now
