🕒 1 min read
Chandrashekhar Bawankule | पुणे : राज्यातील राजकीय वातावरण चांगलंच गरम होत चाललं आहे. आगामी निवडणुकांच्या (Election) तायारीला सर्व पक्षनेते लागले असल्याचं पाहायला मिळत आहे. त्यामुळे एकमेकांवर आरोप-प्रत्यारोप करत आहेत. अशातच भाजप (BJP) पक्षाचे प्रदेशाध्यक्ष चंद्रशेखर बावनकुळे(Chandrashekhar Bawankule) यांनी राष्ट्रवादी काँग्रेस पक्षाचे (NCP) सर्वेसर्वा शरद पवार (Sharad Pawar) यांच्यावर सडकून वार केला आहे.
काय म्हणाले चंद्रशेखरबावनकुळे (Chandrashekhar Bawankule)
राष्ट्रवादी काँग्रेस पक्षाचे कधीही 50-55 पेक्षा आमदार निवडून आले नाही. त्यांनी आजपर्यंत तोड, फोडीचे राजकारण केलं. आयुष्यभर पंतप्रधान बनण्याचे स्वप्न पाहिलं. मात्र, ते कधीही पंतप्रधान बनू शकत नाहीत, भविष्यात होतील की माहिती नाही, असं म्हणत चंद्रेशखर बावनकुळे यांनी शरद पवार यांना खोचक टोला लगावला आहे. बावनकुळे पुण्यात प्रसार माध्यमांशी बोलत होते.
तसेच, अंधेरी (पूर्व) पोटनिवडणुकीमध्ये शिवसेना उद्धव ठाकरे यांच्याकडून कै. रमेश लटके यांच्या पत्नी ऋतुजा लटके यांना उमेदवारी देण्यात आली होती. तर भाजपकडून मुरजी पटेल यांना. परंतू अचानक भाजरने निवडणुकीमधून माघार घेतली. यावरून ठाकरे गट भाजप पक्षावर अनेक टीका, टिपण्णी करत आहे. याच पार्श्वभूमीवर बावनकुळे यांनी उत्तर दिलं आहे. शरद पवार जे बोलले, ती स्क्रिप्ट होती का? शरद पवारांनी महाराष्ट्राची संस्कृती, इतिहास याचा दाखला दिला. त्यांनी अप्रत्यक्षपणे भाजपाला विनंती केली होती. राज ठाकरेंनीही विनंती केली होती. शरद पवारांच्या बोलण्यात भाजपानं उमेदवार मागे घेण्याबाबत विचार करण्याचा संदर्भ होता.
उद्धव ठाकरेंनी तर उलट त्यावर प्रतिक्रियाही दिली होती की शरद पवार योग्य बोलत आहेत, भाजपानं त्यांची संस्कृती पाळायला हवी वगैरे. पण जेव्हा आम्ही संस्कृती पाळली, दिवंगत आमदाराच्या पत्नीला मदत करण्याचा प्रयत्न केला तर ते उलट आमच्यावर बोंबा मारत आहेत,असं म्हणत बावनकुळेंनी ठाकरे गटावरही हल्ला केला आहे.
महत्वाच्या बातम्या :
- Dipali Sayyed । सुषमा अंधारे यांच्यामुळे दिपाली सय्यद ठाकरे गट सोडून शिंदे गटात जाणार?
- Amit Shah । “केजरीवाल सरकार जाहिरातींच्या माध्यमातून लोकांना फसवतंय”; अमित शहांचे आरोप
- Cabinet Meeting । राज्य सरकार 75 हजार पदे भरणार, मंत्रिमंडळाच्या बैठकीत महत्वपूर्ण निर्णय
- Cabinet meeting । नीती आयोगाप्रमाणे महाराष्ट्र इन्स्टिट्यूशन फॉर ट्रान्सफॉर्मेशन-मित्र स्थापन करणार
- Eknath Shinde । “शेतकऱ्यांनो खचू नका शासन तुमच्या पाठिशी”; संकटात सापडलेल्या शेतकऱ्यांना मुख्यमंत्र्यांची ग्वाही
बातम्यांसाठी YouTube चॅनेल Subscribe करा
Subscribe Now
