🕒 1 min read
Ashish Shelar । मुंबई : राज्यातील सत्ता संघर्षानंतर उद्धव ठाकरे विरूद्ध मुख्यमंत्री एकनाथ शिंदे असा सामना पहायला मिळत आहे. ठाकरे आणि शिंदे यांच्यात एकमेकांवर टीका होताना दिसत असते. तर दुसरीकडे मात्र सत्ताधारी पक्ष विरुद्ध विरोधीपक्ष असा वाद पेटलेला आहे. दिवाळीनिमित्त मुंबईतील विविध कार्यक्रमांची माहिती देण्यासाठी आशिष शेलार यांनी पत्रकार परिषद आयोजित केली होती. यावेळी ‘दिवाळी पहाट’ कार्यक्रमावरून त्यांनी आदित्य ठाकरेंवर निशाणा साधला.
जे दुसऱ्यांवर जळत राहतात, ते आनंदाचे दिवे लावणार नाहीत, असं म्हणत अशिष शेलार यांनी आदित्य ठाकरे यांच्यावर निशाणा साधला आहे. वरळीच्या मैदावर आम्ही अतिक्रम केल्याचा आरोप होतो आहे. मात्र, यात अतिक्रमणाचा कोणताही संबंध नसल्याचं शेलार यावेळी बोलताना म्हणाले. सध्या पेंग्विन सेनेला कावीळ झालीय दिसेल ते त्यांना पिवळचं दिसतं असल्याची घणाघाती टीका त्यांनी यावेळी केलीय.
उद्धव ठाकरे यांच्या संपत्तीबाबत विचारल्यास ते म्हणाले कि, उद्धव ठाकरे यांच्या कुटूंबीयांची संपत्तीच्या चौकशीची मागणी करण्यात आलीय ती एका मराठी माणसाने केलीय हा एक उठाव आहे. जवळच्याच व्यक्तीनं ही मागणी केलीय वाद विवाद आणि अशांतता करण्याचे काम शिवसेना उद्धव बाळासाहेब ठाकरे गटाकडून केला जात आहे. ठाकरे गटातील नव्याने आलेल्या बांडगुळांकडून हे नवीन वाद निर्माण केले जात आहेत. राज्यातील मूळ शिवसैनिक हा एकनाथ शिंदेंबरोबर आहे. यामुळे येणाऱ्या काळात शिवसेना ही एकनाथ शिंदे यांची होणार असल्याचे ते म्हणाले.
विशेषतः वरळीच्या आमदारांना पेग, पेग्विन आणि पार्टी याशिवाय काहीच दिसत नाही. वरळीच्या आमदारांनी मराठी साहित्य, संस्कृती, लोककला याबाबत केलेला एक कार्यक्रम दाखवावा. जे घरात झोपून राहतात, घरकोंबडे आहेत, ते जनतेत राहतील कसे? असा सवाल करत त्यांनी उद्धव ठाकरे यांच्यावर टीका केलीय.
महत्वाच्या बातम्या :
- Eknath Shinde । प्लास्टिकबंदीची कडक अंमलबजावणी करणार; मुख्यमंत्री शिंदेंची ग्वाही
- Sushma Andhare | केसरकर म्हणतात गृहपाठ बंद करा, काय येतच नाही तर काय सांगणार; सुषमा अंधारेंचा टोला
- Sushma Andhare | नितेश आणि निलेश यांनी देवेंद्र फडणवीसांकडून होमवर्क करुन घ्यावा – सुषमा अंधारे
- Cm Eknath Shinde | शेतकऱ्यांना शिंदे सरकारचा मोठा दिलासा! कर्जमाफीची घोषणा
- Amit Thackeray | “पोलीस बांधवांना दिवाळी बोनस द्या” ; अमित ठाकरेंचे देवेंद्र फडणवीसांना पत्र
बातम्यांसाठी YouTube चॅनेल Subscribe करा
Subscribe Now
