IPL 2022 GT vs SRH : वानखेडेवर हार्दिकनं जिंकला टॉस; हैदराबाद संघात ‘प्रमुख’ खेळाडूचं कमबॅक!

🕒 1 min read

मुंबई : आयपीएल २०२२ (IPL 2022)मध्ये आज बुधवारी गुजरात टायटन्स आणि सनरायझर्स हैदराबाद (GT vs SRH) आमनेसामने आले आहेत. वानखेडे मैदानावर रंगणाऱ्या या सामन्यात गुजरातचा कप्तान हार्दिक पंड्याने टॉस जिंकून प्रथम गोलंदाजीचा निर्णय घेतला आहे. प्रमुख खेळाडू वॉशिंग्टन सुंदर हैदराबाद संघात परतला आहे. गुजरातचा संघ सातपैकी सहा सामने जिंकून गुणतालिकेत दुसऱ्या स्थानावर आहे. दुसरीकडे, सनरायझर्स हैदराबादचा संघ तिसऱ्या क्रमांकावर आहे. दोन्ही संघांचे खेळाडू जबरदस्त लयीत असून एका शानदार सामन्याची अपेक्षा केली जाऊ शकते.

गुजरात टायटन्स स्पर्धेत सातत्यपूर्ण चांगली कामगिरी करत आहेत. गुजरातच्या फलंदाजीत कर्णधार हार्दिक पंड्या स्वत: फलंदाजीने चांगली कामगिरी करत संघाचे नेतृत्व करत आहे. संधी मिळाल्यावर इतर फलंदाजांनीही योगदान दिले आहे. सलामीवीर शुबमन गिलच्या बॅटने गेल्या काही सामन्यांमध्ये धावा केल्या नसल्या तरी ही बाब नक्कीच अडचणीची ठरू शकते.

???? Toss Update ????@gujarat_titans have elected to bowl against @SunRisers.

Follow the match ▶️ https://t.co/r0x3cHhUK0#TATAIPL | #GTvSRH pic.twitter.com/ewBEuQZC4Q

— IndianPremierLeague (@IPL) April 27, 2022

हैदराबादसाठी या मोसमातील त्याची सर्वात मोठी ताकद त्याची गोलंदाजी आहे. भुवनेश्वर कुमार, टी नटराजन, उमरान मलिक आणि मार्को जानसेन या वेगवान गोलंदाजांचे चांगले आक्रमण आहे, ज्यामुळे फलंदाजांची वाट अवघड झाली आहे. फलंदाजीत अभिषेक शर्माने गेल्या सामन्यात एकदा चांगली खेळी केली होती. त्याचबरोबर राहुल त्रिपाठी आणि एडन मार्कराम यांनीही जवळपास प्रत्येक सामन्यात चांगली फलंदाजी केली आहे.

दोन्ही संघांची Playing 11

गुजरात टायटन्स – वृद्धिमान साहा (यष्टीरक्षक), शुबमन गिल, हार्दिक पंड्या (कप्तान), अभिनव मनोहर, डेव्हिड मिलर, राहुल तेवतिया, राशिद खान, अल्झारी जोसेफ, लॉकी फर्ग्युसन, यश दयाल, मोहम्मद शमी.

सनरायझर्स हैदराबाद – अभिषेक शर्मा, केन विल्यमसन (कप्तान), राहुल त्रिपाठी, एडन मार्कराम, निकोलस पूरन (यष्टीरक्षक), शशांक सिंग, वॉशिंग्टन सुंदर, मार्को जानसेन, भुवनेश्वर कुमार, उमरान मलिक, टी नटराजन.

महत्त्वाच्या बातम्या –

IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com