ऐतिहासिक वारसा असलेला उदगीर किल्ला दुरुस्तीसाठी ५ कोटींचा निधी: राज्यमंत्री बनसोडे

लातूर : महाराष्ट्रातील एक ऐतिहासिक व पुरातन असलेला तसेच पानिपतच्या युद्धाची साक्ष असलेल्या उदगीर किल्लाचे जतन व संवर्धन करण्यासाठी आणि हा वारसा जपण्यासाठी शासनाने सुमारे पाच कोटी रुपये मंजूर केले आहेत. यातून या ऐतिहासिक वारसा असलेल्या किल्ल्याची दुरुस्ती तसेच परिसरातील विकास करण्यात येणार आहे. मराठवाड्यातील ही वास्तू पुढील काळात पर्यटनाचे एक प्रमुख केंद्र म्हणून ओळखले जाईल. राज्य शासनाच्या पर्यटन व सांस्कृतिक विभागाने हा निधी उपलब्ध करून दिली असल्याची माहिती राज्याचे पर्यावरण पाणी पुरवठा राज्यमंत्री संजय बनसोडे यांनी दिली.

अनेक दिवसांपासून उदगीर किल्ल्याच्या दुरुस्तीची मागणी होत होती. उदगीर शहरातील पायाभूत विकास होत असताना या शहराला असलेले ऐतिहासिक महत्त्व लक्षात घेऊन या शहरात असलेला किल्ला संवर्धन व जतन करणे आवश्यक होते. त्यासाठी पाठपुरावा करून उदगीर किल्ल्याच्या संवर्धनासाठी ५ कोटी रुपयांचा निधी मंजूर करण्यात आला. यातुन किल्याच्या वास्तुचे स्ट्रक्चरल आँडिट करून अहवाल तयार करणे, पुरातत्व संकेतानुसार उत्खनन करणे, किल्याच्या तंटबंदीची झाडे झुडपे काढणे, पडझड झालेल्या वास्तुच्या भिंतीची दुरूस्ती, पर्यटकांसाठी पार्किंगची व्यवस्था, स्मारकांच्या जतन दुरुस्तीची कामे इत्यादी कामे समाविष्ट करण्यात आली आहेत.

उदगीर शहराचा भौतिक विकास होत असताना या निमित्ताने संस्कृतीत विकास होत आहे. या किल्याच्या संवर्धनातुन येथील पर्यटनाचा विकास होणार आहे. शहरातील पर्यटनच्या विकासातुन नवीन रोजगार निर्मिती होणार आहे. उदगीर येथील किल्याच्या संवर्धनमुळे शहराच्या वैभवात आणखी भर पडणार आहे, अशी माहिती संजय बनसोडे यांनी दिली.

महत्त्वाच्या बातम्या

• बार्टीची अवस्था बिकट; आता धनंजय मुंडेंनी घेतला संजीवनी देण्याचा निर्णय, तब्ब्ल ‘इतका’ निधी वितरित
• १९ महिने काय तुम्ही झोपा काढत होता का? मुश्रीफांच्या ‘त्या’ आरोपावरून चंद्रकांतदादांचा पलटवार
• भाजपा अपयशी मुख्यमंत्र्यांना बदलण्यात व्यस्त आहे; रुपाणींच्या राजीनाम्यानंतर चिदंबरम यांची टीका
• ‘बलात्काऱ्यांना देहदंडाचीच शिक्षा व्हावी अशी कायद्यात तरतूद करा’, उदयनराजेंची संतप्त प्रतिक्रिया
• राज्यात १५ ऑक्टोबरपासून ऊसाचा गाळप हंगाम; मंत्री समितीच्या बैठकीत निर्णय