अपघातग्रस्त ‘एएन ३२’ विमानातील सर्व १३ जवान शहीद

नवी दिल्ली : ३ जूनपासून भारतीय हवाई दलाचे एएन-३२ विमान बेपत्ता होते. या बेपत्ता विमानाचे अवशेष अरुणाचलमधील लिपोमध्ये सापडले होते. अपघातग्रस्त विमानाचे अवशेष मिळाल्याच्या ठिकाणी आज सकाळी १५ सदस्यीय बचाव पथक दाखल झाले होते. आता या विमानात असणारे सर्व १३ जवान शहीद झाल्याची माहिती समोर आली आहे.

IAF search teams reached the AN-32 crash site today morning and did not find any survivors. The families of the 13 personnel have already been informed that there are no survivors. pic.twitter.com/7FZj0ugryk

— ANI (@ANI) June 13, 2019

मंगळवारी, भारतीय हवाई दलाच्या एएन ३२ या विमानाचे अवशेष सियांग जिल्ह्यात आढळून आले. अपघाताचे ठिकाण अतिशय उंचावर आणि घनदाट जंगलात आहे. त्यामुळे विमानाचे अवशेष असलेल्या ठिकाणी पोहचणे हे आव्हानात्मक काम होते. अपघातात ठार झालेल्या १३ जवानांमध्ये ६ अधिकारी आणि ७ एअरमन यांचा समावेश होता. अपघातग्रस्त विमानांच्या ठिकाणी पोहचण्यासाठी १५ सदस्यीय बचाव पथकाला हेलिड्रॉप करण्यात आले होते.